Abhishek Banerjee : ईडीने खासदार अभिषेक बॅनर्जी यांना १५ जून रोजी सॉल्ट लेक येथील कार्यालयात चौकशीसाठी हजर राहण्याचे निर्देश दिले आहेत. बॅनर्जी यांच्या दक्षिण कोलकाता येथील कालिघाट रोडवरील निवासस्थानी ईडीचे पथक पोहोचले होते. (Abhishek Banerjee)

ते घरी उपस्थित नसल्याने त्यांच्या कर्मचाऱ्याकडे हे समन्स सुपूर्द करण्यात आले. २०२२ पासून ईडी या प्राथमिक शिक्षक भरती घोटाळ्याची चौकशी करत आहे. या प्रकरणात आतापर्यंत अनेक तृणमूल नेत्यांवर छापे टाकण्यात आले असून, राज्याचे माजी शिक्षणमंत्री पार्थ चॅटर्जी यांच्यासह अनेक बड्या नेत्यांना अटक करण्यात आली आहे. (Abhishek Banerjee)

या घोटाळ्यात लिप्स अँड बाउंड्स प्रायव्हेट लिमिटेड या कंपनीच्या भूमिकेची ईडी चौकशी करत आहे. ही कंपनी बॅनर्जी यांच्याशी संबंधित असून, यात मध्यस्थांमार्फत संशयास्पद आर्थिक व्यवहार झाल्याचा तपास यंत्रणेला संशय आहे. (Abhishek Banerjee)