ED Raid : पंजाबमधील संजीव अरोरा यांच्या निवासस्थानी आज पहाटे ईडी ने धाड टाकल्याने राज्याच्या राजकारणात मोठी खळबळ उडाली आहे. चंदीगडमधील सेक्टर २ येथील अधिकृत निवासस्थानी सकाळी साडेसातच्या सुमारास ईडीचे अधिकारी तब्बल २० वाहनांसह दाखल झाले. (ED Raid) या कारवाईदरम्यान सुरक्षा व्यवस्थेसाठी सीआयए आणि एसएफचे जवान मोठ्या संख्येने तैनात करण्यात आले होते. ईडीने चंदीगड, दिल्ली आणि गुरुग्राम परिसरातील संजीव अरोरा व त्यांच्या सहकाऱ्यांशी संबंधित पाच ठिकाणी छापेमारी केल्याची माहिती समोर आली आहे. यामध्ये Hampton Sky Realty Limited च्या कार्यालयाचाही समावेश आहे. (ED Raid) ED Raid : मोठी बातमी! कॅबिनेट मंत्र्यांच्या घरावर ईडीची धाड; २० गाड्यांसह अधिकाऱ्यांची पहाटेच एंट्री दरम्यान, या कारवाईवरून आम आदमी पक्ष आणि भाजपमध्ये जोरदार आरोप-प्रत्यारोप सुरू झाले आहेत. आपचे खासदार संजय सिंह यांनी भाजपवर टीका करत ईडीला भाजपची सुपारी किलर अशी उपमा दिली. काही दिवस खोट्या बातम्या पसरवल्या जातील आणि नंतर ईडी निघून जाईल, असा आरोप त्यांनी केला. (ED Raid) तर पंजाबचे मुख्यमंत्री भगवंत मान यांनीही केंद्र सरकारवर निशाणा साधला. भाजपच्या ईडीने वर्षभरात तिसऱ्यांदा संजीव अरोरा यांच्या घरी धाड टाकली, पण अजूनही काहीच सापडलेले नाही, असे म्हणत त्यांनी या कारवाईला राजकीय सूडभावनेतून केलेली कारवाई असल्याचा आरोप केला. (ED Raid)
