ED officer | ED Recruitment : तुम्ही आजपर्यंत अंमलबजावणी संचालनालयाबद्दल (ईडी) बातम्यांमध्ये अनेकदा वाचले आणि ऐकले असेल. ईडीने देशातील अनेक मोठ्या घोटाळेबाजांना अटक केली आहे. देशातील बड्या नेत्यांचाही यामध्ये समावेश आहे.

अलीकडेच ईडीने दिल्लीचे मुख्यमंत्री अरविंद केजरीवाल यांना अटक केली. अशा परिस्थितीत, जर तुमच्या मनात हा प्रश्न आला की ईडी कसे काम करते आणि तुम्हाला येथे नोकरी कशी मिळेल, तर तुम्हाला या सर्व महत्त्वाच्या प्रश्नांची उत्तरे आज मिळणार आहेत. । ED officer | ED Recruitment

‘ईडी’ अधिकारी होण्यासाठी आवश्यक पात्रता –

अंमलबजावणी संचालनालयाला हिंदीत ‘प्रवर्तन निदेशालय’ म्हणतात. तुम्हीही येथे अधिकारी बनून तुमचे भविष्य सुधारू शकता. अंमलबजावणी संचालनालयात नोकरी मिळविण्यासाठी आवश्यक पात्रता जाणून घेणे आवश्यक आहे.

अंमलबजावणी संचालनालयात अधिकारी म्हणून नोकरी मिळवण्यासाठी सर्वप्रथम तुम्ही पदवीधर असणे आवश्यक आहे. तुम्ही मान्यताप्राप्त विद्यापीठ/महाविद्यालयातून कोणत्याही विषयात पदवीधर असाल, तर तुम्ही येथे होणाऱ्या भरतीमध्ये सहभागी होऊ शकता.

वयोमर्यादा किती असते –

येथे नोकरी करू इच्छिणाऱ्या तरुणांचे किमान वय 18 वर्षे असावे, तर कमाल वय 27 ते 30 वर्षांपेक्षा जास्त नसावे. मात्र, राखीव प्रवर्गातील उमेदवारांना शासकीय नियमानुसार सवलत दिली जाते. । ED officer | ED Recruitment

निवड कशी केली जाते –

ED मध्ये अधिकारी बनू इच्छिणाऱ्या तरुणांना SSC द्वारे आयोजित संयुक्त पदवी स्तर परीक्षा (SSC CGL) साठी अर्ज करावा लागेल. ही परीक्षा दरवर्षी घेतली जाते. या अंतर्गत संगणक आधारित चाचणी (CBT) परीक्षा टियर-1 आणि टियर-2 मध्ये घेतली जाते.

या दोन्ही टप्प्यांत यशस्वी झालेले उमेदवार टियर-3 लेखी परीक्षेत भाग घेऊ शकतात. यानंतर, टियर-4 मध्ये, पदानुसार संगणक प्रवीणता चाचणी/डेटा एंट्री कौशल्य चाचणी द्यावी लागेल.

या सर्व फेरीतील उमेदवारांच्या कामगिरीच्या आधारे अंतिम यादी तयार केली जाते. अंतिम यादीत निवडलेल्या उमेदवारांना ED मध्ये अधिकारी पदावर नियुक्ती मिळते. । ED officer | ED Recruitment