Earthquak News : सिंधुदुर्ग जिल्ह्यातील कणकवली तालुक्यात भूकंपसदृश धक्के जाणवल्याने नागरिकांमध्ये भीतीचे वातावरण निर्माण झाले आहे. फोंडाघाट येथील विद्यानगर-बेलदारवाडी परिसरात रात्री उशिरा झालेल्या धक्क्यांमुळे किमान चार घरांचे नुकसान झाले असून घरांच्या भिंतींना मोठ्या भेगा पडल्या आहेत. (Earthquak News )

स्थानिकांच्या माहितीनुसार, रात्री साडेअकराच्या सुमारास अचानक जोरदार आवाजासह धक्के जाणवले. त्यानंतर सकाळी पाहणी केली असता अनेक घरांच्या भिंतींना तडे गेल्याचे आणि काही ठिकाणी जमिनीला देखील भेगा पडल्याचे आढळून आले. घटनेची माहिती मिळताच फोंडाघाटच्या सरपंच संजना आग्रे यांनी नुकसानग्रस्त भागाची पाहणी केली. (Earthquak News )

 

या घटनेमुळे परिसरातील नागरिकांमध्ये भीतीचे वातावरण असून नुकसानग्रस्त कुटुंबांना तातडीने मदत देण्याची मागणी करण्यात येत आहे. दरम्यान, हा धक्का नेमका भूकंपाचा होता की अन्य भूगर्भीय हालचालींचा, याबाबत अधिकृत माहिती अद्याप समोर आलेली नाही. तसेच धक्क्यांची तीव्रता किती होती, याचीही प्रशासनाकडून पुष्टी झालेली नाही. प्रशासनाकडून परिस्थितीवर लक्ष ठेवण्यात येत असून संबंधित यंत्रणांकडून पुढील तपास सुरू आहे. (Earthquak News )