Solapur News : पंढरपूरच्या कार्तिकी यात्रेवर दुष्काळाचे गडद सावट! गतवर्षीच्या तुलनेत यंदा वारकऱ्यांची संख्या तब्बल ५ लाखांनी घटली
Solapur News : महाराष्ट्रातील लाखो वारकऱ्यांचे श्रद्धास्थान असलेल्या श्री विठ्ठल-रुक्मिणीच्या पंढरपूर नगरीतील कार्तिकी यात्रेवर यंदा दुष्काळाचे गडद सावट पाहायला मिळत आहे.

Solapur News : महाराष्ट्रातील लाखो वारकऱ्यांचे श्रद्धास्थान असलेल्या श्री विठ्ठल-रुक्मिणीच्या पंढरपूर नगरीतील कार्तिकी यात्रेवर यंदा दुष्काळाचे सावट दिसून आली असून गतवर्षीच्या तुलनेत यंदा यात्रेसाठी येणाऱ्या वारकऱ्यांच्या संख्येत सुमारे ५ लाखांची घट झाल्याचे चित्र समोर आले आहे. (Solapur News)
विठुरायाच्या दर्शनासाठी भाविकांची श्रद्धा कायम असली, तरी पाणीटंचाई, शेतीतील अडचणी, आर्थिक परिस्थिती आणि ग्रामीण भागातील दुष्काळसदृश स्थितीचा परिणाम यात्रेतील गर्दीवर दिसून आला आहे. (Solapur News)
यंदा अपेक्षित पाऊस न झाल्याने राज्यातील अनेक भागांत पाणीटंचाईची परिस्थिती निर्माण झाली आहे. खरीप हंगामाला फटका बसल्यानंतर रब्बी हंगामाबाबतही शेतकऱ्यांसमोर अनिश्चितता निर्माण झाली आहे. (Solapur News)
पिकांचे नुकसान, शेतीचा वाढता खर्च, जनावरांच्या चारा-पाण्याची चिंता आणि हातात पैसा नसल्याने अनेक शेतकरी कुटुंबांना यंदा यात्रेसाठी पंढरपूरला येणे शक्य झाले नसल्याचे चित्र आहे. वारकरी संप्रदायात कार्तिकी यात्रेला विशेष महत्त्व असते. (Solapur News)
विशेषतः ग्रामीण भागातील शेतकरी, शेतमजूर आणि कष्टकरी वर्ग मोठ्या संख्येने या यात्रेत सहभागी होतो. मात्र, यंदा आर्थिक परिस्थितीमुळे अनेकांनी यात्रेचा प्रवास टाळल्याचा अंदाज व्यक्त केला जात आहे. गतवर्षीच्या तुलनेत यंदा सुमारे पाच लाख भाविकांची घट झाल्याचे सांगण्यात येते. (Solapur News)
Solapur News : धक्कादायक ! विहिरीचा कठडा कोसळून 4 मजूरांचा मृत्यू





