Jr. NTR : दाक्षिणात्य सिनेमातील स्टार ज्युनिअर एनटीआर त्याच्या आगामी सिनेमाबाबत कोणताही धोका पत्करू इच्छित नाही. “वॉर २” सिनेमाच्या अपयशानंतर तो आपले प्रत्येक निर्णय विचार करून घेत आहे. दरम्यान, सुपरस्टारने त्याच्या सध्याचा सिनेमा “ड्रॅगन” थांबवण्याचा निर्णय घेतला आहे. मीडिया रिपोर्टनुसार, ज्युनियर एनटीआरने सिनेमाचे दिग्दर्शक प्रशांत नील यांना सिनेमाची स्क्रिप्ट पुन्हा तयार करण्यास सांगितली आहे.

ज्युनिअर एनटीआरने सिनेमातील आत्तापर्यंत चित्रित केलेले भाग पाहिले असून त्याला सिनेमाच्या स्टोरीला घेऊन कथेचा आशय आणखी चांगला होऊ शकतो, असे वाटत असल्याने अभिनेत्याने हा निर्णय घेतला आहे. या निर्णयामागे ‘ड्रॅगन’ सिनेमाला मोठे यश मिळावे, अशी त्याची इच्छा आहे आणि सर्वकाही व्यवस्थित होण्यासाठी अभिनेता वाट पाहण्यास तयार आहे.

मीडिया रिपोर्ट्सवरून असे दिसून येते की, ज्युनियर एनटीआर ड्रॅगनच्या सिनेमाच्या बाबतीत सावध भूमिका घेत आहे. एका सूत्राने सांगितले की, “एनटीआरला ड्रॅगन सिनेमाला कोणत्याही परिस्थितीत यशस्वी व्हायचे आहे. सिनेमा सर्वोत्तम बनवण्यासाठी शक्य ते सर्व काही करण्यास तयार अभिनेता तयार आहे.”

दिग्दर्शक प्रशांत नीलने जे काही सिनेमाचे चित्रीकरण केले आहे, त्यावर अभिनेता पूर्णपणे खूश नाही. त्यामुळे जर त्याने पटकथेवर पुन्हा काम केले तर सिनेमाला एका वेगळ्या उंचीवर तयार होऊ शकतो, असा विश्वास एनटीआरला आहे. त्यामुळे आता सिनेमा त्याच्या ठरलेल्या वेळेपेक्षा अधिकचा वेळ पूर्ण होण्यास लागणार आहे. मात्र, अभिनेत्याच्या या निर्णयास सर्व बदल करण्यास प्रशांत नील सहमत होतील की नाही हे अद्याप स्पष्ट झालेले नाही.

हेही वाचा : Piyush Pandey: जाहिरात विश्वातील महानायक पीयूष पांडे यांचे निधन; ‘अबकी बार मोदी सरकार’, ‘हमारा बजाज’सारख्या प्रसिद्ध टॅगलाइनचे ते निर्माते होते