Donald Trump | अमेरिकेचे राष्ट्राध्यक्ष डोनाल्ड ट्रम्प सातत्याने विविध दावे करत आहेत. भारतावर २५ % टॅरिफ टॅक्स लादण्याची घोषणा केल्यानंतर रशियाकडून तेल आयात करण्यासाठी दंड आकारणार असल्याचेही त्यांनी सांगितले. त्यानंतर आता त्यांनी आणखी एक दावा केला आहे.

भारत रशियन तेल आयात थांबवत असल्याचा दावा करत डोनाल्ड ट्रम्प यांनी एएनआयला सांगितले की, “मला समजले आहे की भारत आता रशियाकडून तेल खरेदी करणार नाही. मी जे ऐकले आहे, ते खरे आहे की नाही हे मला माहित नाही. पण, हे एक चांगले पाऊल आहे. पुढे काय होते ते आपण पाहू.”

परंतु, परराष्ट्र मंत्रालयाने देशाची ऊर्जा खरेदी बाजारपेठेतील शक्ती आणि राष्ट्रीय हितसंबंधांमुळे होते. तसेच भारतीय तेल कंपन्यांनी रशियन तेल आयात थांबवल्याच्या वृत्तांबद्दल कोणतीही माहिती त्यांच्याकडे नाही, असे स्पष्ट केले आहे.

 भारत जगातील तिसरा सर्वात मोठा तेल आयातदार देश

युक्रेन-रशिया युद्धाच्या पार्श्वभूमीवर अमेरिकेनं मॉस्कोच्या उत्पन्नाच्या स्त्रोतांवर आर्थिक निर्बंध लादण्याचे प्रयत्न केले होते. त्यानंतर रशियन तेल खरेदी करणाऱ्या देशांवर अमेरिका सातत्याने दबाव वाढवत होती. भारत हा जगातील तिसरा सर्वात मोठा तेल आयातदार देश आहे. युक्रेन युद्ध सुरू झाल्यापासून, भारत रशियन कच्च्या तेलाचा सर्वात मोठा खरेदीदार राहिला आहे.

पण रॉयटर्सच्या अलीकडील वृत्तानुसार, भारतीय सरकारी रिफायनर्सनी गेल्या आठवड्यात रशियन तेल खरेदी केलेले नाही, असे सूचित होते. पण या वृत्ताला अद्याप अधिकृत दुजोरा मिळालेला नाही.

ट्रम्प यांची भारतावर टीका

यापूर्वी, डोनाल्ड ट्रम्प यांनी पाकिस्तानसोबत तेल कराराची घोषणा करताना भारतावर टीका केली होती की, “आम्ही या भागीदारीचे नेतृत्व करणारी तेल कंपनी निवडण्याच्या प्रक्रियेत आहोत. कोणाला माहित आहे, कदाचित पाकिस्तान कधीतरी भारताला तेल विकेल,”
असे डोनाल्ड ट्रम्प म्हणाले होते. Donald Trump |

हेही वाचा :  

Mahadevi Elephant : मुक्या जीवाच्या भावनेशी जीवघेणा खेळ; ‘वनतारा’ला ‘महादेवी’च का हवी होती? किरण मानेंनी उलगडला भावनिक अध्याय