Donald Trump on India। इजिप्तमधील शर्म अल-शेख याठिकाणी गाझा शांतता करारावर स्वाक्षरी करण्यापूर्वी अमेरिकेचे राष्ट्राध्यक्ष डोनाल्ड ट्रम्प यांनी जवळजवळ अर्धा तास भाषण केले. पंतप्रधान मोदींच्या अनुपस्थितीतही त्यांनी भारताचे कौतुक करत मोदींना त्यांचा एक चांगला मित्र म्हटले. त्यांच्या भाषणात अध्यक्ष ट्रम्प म्हणाले की,”भारत हा एक महान देश आहे आणि त्यांचा एक मित्र त्याठिकाणी उच्च पदावर आहे ज्याने खूप चांगले काम केले आहे”

पाकिस्तानचे पंतप्रधान शाहबाज शरीफ हे राष्ट्राध्यक्ष ट्रम्पच्या मागे उभे होते, परंतु शाहबाज शरीफ यांचे वर्तन असे होते की जणू ते पाकिस्तानचे पंतप्रधान नाहीत तर अमेरिकेचे कॅबिनेट मंत्री किंवा काँग्रेसमन आहेत. ज्यांचे एकमेव काम राष्ट्राध्यक्ष ट्रम्प यांना खूश करणे आहे. त्यांच्या भाषणादरम्यान, अध्यक्ष ट्रम्प म्हणाले की. त्यांना विश्वास आहे की भारत आणि पाकिस्तानमध्ये खूप चांगले संबंध असतील. ट्रम्प शाहबाज शरीफकडे वळले आणि शाहबाज शरीफ यांनी वारंवार सहमती दर्शवत मान हलवली, त्यांची देहबोली ट्रम्पसाठी “होय” अशी होती.

ट्रम्प असीम मुनीर यांना त्यांचा आवडता फील्ड मार्शल म्हणतात Donald Trump on India। 

त्यांच्या भाषणात, ट्रम्पने पाकिस्तानी फील्ड मार्शल असीम मुनीर यांना त्यांचा आवडता म्हटले आणि शाहबाज शरीफ यांना ट्रम्पचा पुरस्कार देण्यास सांगितले. यानंतर अमेरिकेचे अध्यक्ष ट्रम्प यांनी पाकिस्तानचे पंतप्रधान शाहबाज शरीफ यांना बोलण्याची संधी दिली. प्रथम, शाहबाज शरीफ यांनी ट्रम्प यांना पुन्हा एकदा नोबेल शांतता पुरस्कारासाठी नामांकित केले आणि म्हटले की, “मी पुन्हा एकदा या महान राष्ट्रपतींना नोबेल शांतता पुरस्कारासाठी नामांकित करू इच्छितो कारण ते सर्वात खरे आणि अद्भुत उमेदवार आहेत आणि त्यांनी केवळ दक्षिण आशियात शांतता आणली नाही तर लाखो लोकांचे जीव वाचवले आहेत.”

शाहबाज शरीफ ट्रम्पला खुश करण्यात मग्न  Donald Trump on India। 

ट्रम्पला खूश करण्यासाठी, पाकिस्तानचे पंतप्रधान शाहबाज शरीफ एवढ्यावरच थांबले नाहीत. त्यांनी वैयक्तिकरित्या अध्यक्ष ट्रम्प यांना सलाम केला आणि म्हटले, “आज शर्म अल-शेख येथे गाझा येथे शांतता प्रस्थापित करणे म्हणजे मध्य पूर्वेतील लाखो लोकांचे जीव वाचवण्यासारखे आहे. अध्यक्ष ट्रम्प, तुमच्या अद्वितीय आणि दूरदर्शी नेतृत्वासाठी मी तुम्हाला सलाम करतो.”