Donald Trump on Elon Musk । अमेरिकेचे राष्ट्राध्यक्ष डोनाल्ड ट्रम्प आणि एलॉन मस्क यांच्यातील सुरू असलेल्या वादाच्या पार्श्वभूमीवर ट्रम्प यांनी यु टर्न घेतला आहे. कारण आता ट्रम्प यांची चक्क मस्कचे कौतुक केल्याचे दिसून येत आहे. एका मुलाखतीत डोनाल्ड ट्रम्प यांनी एलॉन मस्कची स्तुती करताना एक अद्भुत व्यक्ती असे म्हटले आहे. एलॉन मस्क हे मे २०२५ पर्यंत ट्रम्प यांचे अध्यक्षीय सल्लागार होते, परंतु त्यांचा कार्यकाळ संपल्यानंतर दोघांमधील संबंध बिघडले. मस्क यांनी ट्रम्प यांच्या कर कपात विधेयकावर टीका केली होती.

एका वृत्तवाहिनीशी झालेल्या संभाषणात ट्रम्प यांनी मस्क यांचे कौतुक करताना हुशार आणि नेहमीच यशस्वी व्यक्ती असे केले आहे. त्यांनी अलीकडेच मस्कशी संवाद साधला का ?असे विचारले असता ट्रम्प म्हणाले, “मला वाटते की एलॉन एक अद्भुत व्यक्ती आहे. मी त्यांच्याशी जास्त बोलत नाही, परंतु मला माहित आहे की तो नेहमीच चांगले काम करेल. तो खूप हुशार आहे. तो यापूर्वीही माझ्यासोबत मोहिमेत सामील झाला होता. नंतर तो थोडा रागावला, जो कदाचित बरोबर नव्हता.” असे त्यांनी म्हटले आहे.

दोघांमध्ये का उडाले होते खटके ? Donald Trump on Elon Musk । 

राष्ट्रपती डोनाल्ड ट्रम्प म्हणाले की, टेस्लाचे सीईओ एलॉन मस्क त्यांच्यावर रागावले होते कारण सरकारने इलेक्ट्रिक कारवरील कर सवलत (टॅक्स क्रेडिट) काढून टाकली होती. मात्र, मस्क यांनी आधीच ट्रम्प यांचा दावा फेटाळून लावला आहे. पुढे डोनाल्ड ट्रम्प यांनी, “इलेक्ट्रिक कारसाठी बनवलेले नियम मस्कला शोभत नाहीत. मला स्वतःलाही असे वाटत नाही की सर्वांना इलेक्ट्रिक कार खरेदी करण्यास भाग पाडले जावे.” असेही म्हणाले.

मस्क यांनी पुन्हा ट्रम्पच्या विधेयकावर टीका  Donald Trump on Elon Musk । 

शनिवारी, त्यांच्या ५४ व्या वाढदिवशी, मस्क यांनी सोशल मीडियावर ट्रम्पच्या नवीन कर आणि खर्च विधेयकावर तीव्र टीका केली. त्यांनी हे विधेयक पूर्णपणे वेडे आणि हानिकारक असल्याचे म्हटले. जवळजवळ १,००० पानांच्या या विधेयकावर लवकरच सिनेटमध्ये चर्चा सुरू होणार आहे. मस्क यांनी या विधेयकावर रागावण्याची ही पहिलीच वेळ नाही. यापूर्वी त्यांनी या विधेयकाला घृणास्पद आणि निरुपयोगी खर्चांनी भरलेले म्हटले होते. मस्कच्या या टीकेनंतर सोशल मीडियावर ट्रम्प आणि त्यांच्यात शाब्दिक युद्ध सुरू झाले.