Plane Crash : डोमिनिकन रिपब्लिकमधील ला रोमाना आंतरराष्ट्रीय विमानतळावर रविवारी एका खाजगी जेट विमानाचा भीषण अपघात झाला. उड्डाणासाठी धावपट्टीवर वेग घेत असतानाच विमानावरील नियंत्रण सुटले आणि काही क्षणांतच ते आगीच्या भक्ष्यस्थानी पडले. या दुर्घटनेत विमानातील मुख्य वैमानिक आणि सह-वैमानिक अशा दोघांचा जागीच मृत्यू झाला. (Plane Crash)

स्थानिक प्रशासनाने दिलेल्या माहितीनुसार, अपघातग्रस्त विमान हे अमेरिकेत नोंदणीकृत आलिशान खाजगी जेट होते. स्थानिक माध्यमांच्या वृत्तानुसार, मृत्यूमुखी पडलेले दोन्ही वैमानिक अमेरिकन नागरिक असून त्यांची ओळख एरिक जेवियर डिएगो आणि रूडी गॅझेल अशी करण्यात आली आहे. सुदैवाने विमानात अन्य कोणताही प्रवासी नसल्याने मोठी जीवितहानी टळली. (Plane Crash)

धावपट्टीवरून उसळलं विमान, क्षणात लागली आग   (Plane Crash) 

या दुर्घटनेचा थरारक व्हिडिओ सध्या सोशल मीडियावर मोठ्या प्रमाणात व्हायरल होत आहे. व्हिडिओमध्ये विमान टेकऑफसाठी धावत असताना अचानक असंतुलित झाल्याचे दिसते. धावपट्टीवरून वेगाने जात असताना विमान दोन ते तीन वेळा उसळले आणि काही क्षणांतच त्याला आग लागली. (Plane Crash)

 

विमानाचा वेग प्रचंड असल्याने आग झपाट्याने पसरली आणि संपूर्ण जेट जळून खाक झाले. दुसऱ्या व्हिडिओमध्ये विमानतळ परिसरातून आकाशात उसळणाऱ्या ज्वाळा आणि काळ्या धुराचे लोट स्पष्टपणे दिसत आहेत. अग्निशमन दलाने तत्काळ घटनास्थळी धाव घेतली, मात्र तोपर्यंत विमान पूर्णपणे जळाले होते. (Plane Crash)

उड्डाणापूर्वीच दिला होता आपत्कालीन संदेश   (Plane Crash )

डोमिनिकन नागरी विमानचालन संस्थेने दिलेल्या माहितीनुसार, हे विमान गल्पस्ट्रीम G200 मॉडेलचे खाजगी जेट होते. उड्डाणापूर्वी वैमानिकांनी तांत्रिक अडचणींबाबत आपत्कालीन संदेश पाठवला होता. मात्र विमान सुरक्षितपणे नियंत्रणात आणण्यापूर्वीच धावपट्टीवर हा अपघात घडला. (Plane Crash)

हे विमान पोर्तो रिकोहून डोमिनिकन रिपब्लिकमध्ये आले होते. ला रोमाना विमानतळावर इंधन भरल्यानंतर ते अमेरिकेतील टेक्सास राज्यातील ऑस्टिन शहराकडे रवाना होणार होते. मात्र टेकऑफदरम्यानच ही दुर्घटना घडली. (Plane Crash)

ब्लॅक बॉक्सच्या शोधाला गती

अपघातानंतर राष्ट्रीय विमानचालन प्राधिकरणाने तपास सुरू केला आहे. विमानाचा ब्लॅक बॉक्स शोधण्याचे काम युद्धपातळीवर सुरू असून त्यानंतर अपघातामागील नेमके कारण स्पष्ट होण्याची शक्यता आहे. इंजिन बिघाड, तांत्रिक दोष किंवा इतर कोणते कारण होते याचा तपास तज्ज्ञांकडून केला जात आहे. या दुर्घटनेनंतर ला रोमाना आंतरराष्ट्रीय विमानतळावरील काही उड्डाणांवर तात्पुरता परिणाम झाला असून सुरक्षा यंत्रणा सतर्क करण्यात आली आहे. (Plane Crash)