Ramesh Mhatre : महापालिकेच्या रुग्णालयात दोन डॉक्टर आणि इतर वैद्यकीय कर्मचाऱ्यांना मारहाण केल्याच्या आरोपावरून अटक करण्यात आलेल्या शिवसेना नगरसेवक रमेश म्हात्रे यांना ठाणे जिल्ह्यातील न्यायालयाने मंगळवारी जामीन मंजूर केला. (Ramesh Mhatre)

ठाणे जिल्ह्यातील कल्याण-डोंबिवली महानगरपालिकेचे नगरसेवक म्हात्रे आणि याच प्रकरणात अटक करण्यात आलेले त्यांचे तीन सहकारी यांची तीन दिवसांची पोलीस कोठडी संपल्यानंतर सोमवारी न्यायालयाने त्यांना न्यायालयीन कोठडीत पाठवले होते. (Ramesh Mhatre)

आरोपींना तुरुंगात पाठवल्यानंतर लगेचच त्यांच्या वकिलांनी जामिनासाठी अर्ज दाखल केला. बचाव पक्ष आणि सरकारी वकील या दोघांचा युक्तिवाद ऐकून घेतल्यानंतर न्यायालयाने नगरसेवकाला जामीन मंजूर केला. (Ramesh Mhatre)

डोंबिवलीतील महापालिकेच्या रुग्णालयात ६ जुलैच्या रात्री दोन डॉक्टर आणि परिचारिकांना मारहाण केल्याच्या आरोपावरून नगरसेवक आणि त्यांच्या सहकाऱ्यांना अटक करण्यात आली होती. या मारहाणीचा व्हिडिओ व्हायरल झाल्यानंतर सर्वत्र संताप व्यक्त केला गेला. (Ramesh Mhatre)