नवी दिल्ली : आजकाल एखाद्याचा आधार क्रमांक किंवा इतर ओळखपत्र घेऊन फसवणूक करणे खूप सोपे झाले आहे. अशा परिस्थितीत, इंटरनेटच्या या जगात, आपण खूप सावधगिरी बाळगणे आवश्यक आहे. तुमच्या नावाचे सिमकार्ड दुसरे कोणी वापरत असल्याचा तुम्हालाही संशय असेल तर ही बातमी तुमच्यासाठी आहे. आज आम्ही तुम्हाला ती पद्धत सांगणार आहोत ज्याच्या मदतीने तुम्ही तुमच्या नावावर दुसरे सिम कार्ड चालत आहे की नाही हे जाणून घेऊ शकाल. ही सुविधा दूरसंचार विभागाकडून उपलब्ध करून देण्यात आली आहे. यासाठी एक पोर्टलही सुरू करण्यात आले आहे. चला जाणून घेऊया. DoT ने tafcop.dgtelecom.gov.in या डोमेनवरून एक पोर्टल सुरू केले आहे. देशभरात कार्यरत असलेल्या सर्व मोबाईल क्रमांकांचा डेटाबेस या पोर्टलवर अपलोड केला जातो. या पोर्टलच्या माध्यमातून स्पॅम आणि फसवणूकीला आळा घालण्याचा प्रयत्न करण्यात आला आहे. तुमचा मोबाईल नंबर तुमच्या नावावर कोणीतरी वापरत आहे असे तुम्हाला वाटत असेल तर तुम्ही या वेबसाईटच्या माध्यमातून याबाबत तक्रार करू शकता. चला जाणून घेऊया ही वेबसाईट कशी वापरायची ? सर्वप्रथम तुमच्या मोबाईल फोनच्या ब्राउझरमध्ये किंवा कोणत्याही लॅपटॉपवर किंवा कोणत्याही संगणकावर tafcop.dgtelecom.gov.in उघडा. त्यानंतर तुमचा 10 अंकी मोबाईल नंबर टाका. आता तुमच्या नंबरवर एक ओटीपी येईल. तो ओटीपी प्रविष्ट करा आणि सत्यापित (व्हेरिफाय) करा. ओटीपी सत्यापित केल्यानंतर, तुम्हाला तुमच्या नावावर सक्रिय असलेल्या सर्व क्रमांकांची संपूर्ण यादी मिळेल. तुम्ही तुमच्या सोयीनुसार त्यांपैकी कोणतीही तक्रार नोंदवू शकता. त्यानंतर तुमच्या नंबरवर कोणते नंबर चालू आहेत आणि ज्यासाठी तुम्ही तक्रार केली आहे ते सरकार तपासेल. tafcop.dgtelecom.gov.in सध्या काही सर्कलसाठी प्रसिद्ध करण्यात आले आहे. लवकरच तो सर्व सर्कलमध्ये प्रसिद्ध होईल. एका आयडीवर जास्तीत जास्त नऊ नंबर अॅक्टिव्ह असू शकतात, पण जर या पोर्टलवर तुम्हाला तुमच्या नावावर असलेला नंबर दिसला, पण तुम्ही वापरत नाही, तर तुम्ही त्या नंबरबद्दल तक्रार करू शकता. यानंतर सरकार तो नंबर ब्लॉक करेल.
