सर्वज्ञात आहे की जर आपला आहार निरोगी आणि पौष्टिक असेल तर शरीरातील अनेक रोगांचा धोका कमी होतो. यामुळेच प्रत्येकाने आपल्या आहारात अधिकाधिक भाज्या आणि फळांचा समावेश करावा. आहाराशी संबंधित काही वाईट सवयी खूप वेगाने वाढताना दिसतात.

ज्या लोकांच्या अन्नामध्ये सोडियम म्हणजेच मीठ जास्त असते किंवा आपण अशा पदार्थांचे सेवन करतो ज्यामध्ये मीठाचे प्रमाण जास्त असते, अशा गोष्टी शरीराला अनेक प्रकारे हानिकारक ठरू शकतात. रक्तवाहिन्यांमध्ये अडथळे येतात आणि त्यामुळे जास्त मीठ खाणाऱ्यांमध्ये हृदयाच्या गंभीर समस्यांचा धोका दिसून आला आहे.

आहारात जास्त मीठ हा रक्‍तवाहिन्यांच्या अडथळ्यासाठी एक महत्त्वाचा धोकादायक घटक आहे. उच्च रक्‍तदाबामुळे हृदयविकाराचा झटका आणि स्ट्रोकसाठी जास्त मीठाचे सेवन हा एक प्रमुख जोखीम घटक आहे. आहारात जास्त मीठ असल्याने मान आणि हृदयाच्या धमन्यांमध्ये ब्लॉकेज होण्याचा धोका जास्त असतो. तुम्हाला ब्लड प्रेशरची समस्या नसली तरीही, पण जर तुम्ही जास्त मीठ खाल्लं तर याच सवयीमुळे हृदयविकाराचा झटका आणि पक्षाघाताचा धोका अनेक पटींनी वाढू शकतो.

युरोपियन हार्ट जर्नल ओपनमध्ये प्रकाशित संशोधनात, असे आढळून आले आहे की उच्च रक्‍तदाब वाढण्यापूर्वीच जास्त प्रमाणातले मीठाचे सेवन शरीराला हानी पोहोचवते. जास्त प्रमाणात मिठाचे सेवन हे डोके आणि मान या दोन्ही धमन्या कडक होण्याचे कारण आहे. म्हणजेच, मीठाचे जास्त सेवन हे तुमच्या अथेरोस्क्‍लेरोसिसच्या वाढत्या जोखमीशी जोडलेले आहे.

आथेरोस्क्‍लेरोसिस ही रक्तवाहिन्यांमध्ये प्लेक तयार होण्याची समस्या आहे. अथेरोस्क्‍लेरोसिसशी संबंधित आजार हे अमेरिकेमधील मृत्यूच्या प्रमुख कारणांपैकी एक आहे. 45 ते 84 वयोगटातील सुमारे 40 टक्के लोकांना एथेरोस्क्‍लेरोसिस असू शकतो. आपण जितके जास्त मीठ खातो तितके हृदय आणि मानेच्या धमन्यांमध्ये कॅल्सीफिकेशनचा धोका जास्त असतो. याचा अर्थ प्रत्येकाने त्यांच्या मीठाच्या सेवनाकडे लक्ष देणे आवश्‍यक आहे, फक्त उच्च रक्तदाब किंवा हृदयाच्या रुग्णांवरच नव्हे. आपण किती मीठ खातो याचा अंदाज लावणे कठीण आहे, म्हणून गोळ्याच्या स्वरूपात मीठ खाण्याची शिफारस करणे योग्य ठरते, जेणेकरून त्याचा वापर मर्यादित करता येईल.
केवळ अन्नच नाही तर अनेक फास्ट-जंक फूडमध्येही मीठ जास्त असू शकते. त्यात सुधारणा न झाल्यास येत्या काही दशकात हृदयविकाराच्या रुग्णांमध्ये वाढ होण्याची शक्‍यता आहे.

=========================