लाहोर – पाकिस्तानच्या पंजाब प्रांताने शुक्रवारी मुंबई हल्ल्याचा सूत्रधार हाफिज सईद याच्या संघटनेसह ८० हून अधिक बंदी घातलेल्या संघटनांची यादी जाहीर केली. रमजान किंवा ईदसाठी या संघटनांना कोणतीही देणगी देऊ नये असे आवाहन लोकांना केले. दहशतवाद विरोधी कायद्यांतर्गत बंदी घातलेल्या संघटनांना कोणत्याही प्रकारची मदत करणे हा गुन्हा असेल, असे पंजाब सरकारच्या अधिसूचनेत म्हटले आहे.

पाकिस्तान सरकारने २००२ मध्ये सईदच्या लष्कर-ए-तैयबा आणि मसूद अझहरच्या जैश-ए-मोहम्मदवर बंदी घातली आहे. हाफिज सईदची जमात-उद-दावा आणि फलाह-ए-इन्सानियत फाऊंडेशन, इसिस, लष्कर-ए-झांगवी, अल-कायदा हिजबुत-ताहरीर, तहरीक-ए-तालिबान पाकिस्तान, बलुचिस्तान-लिबरलम आर्मी आणि बलुचिस्तान-लिबरलम आर्मी या एकूण ८३ संघटनांपैकी इतर उल्लेखनीय प्रतिबंधित संघटना आहेत.

दहशतवाद आणि देशविरोधी कारवायांमध्ये सहभागी असलेल्या बंदी घातलेल्या या संघटनांना मदत करणाऱ्यांना कायद्याने शिक्षा होईल, असेही पंजाब सरकारने म्हटले आहे. रमझानच्या महिन्यात देणग्या देण्याची मुस्लिमांची प्रथा आहे.