Diveghat Traffic advisory : आळंदी-पंढरपूर पालखी महामार्गाअंतर्गत हडपसर ते दिवेघाट दरम्यान दिवेघाट रस्ता येथे रुंदीकरणाचे काम सुरू आहे. या कामासाठी बुधवार, 19 ऑगस्ट रोजी दिवेघाट परिसरात ब्लास्टिंग करण्यात येणार आहे. त्यामुळे या मार्गावरील वाहतूक दोन तास पूर्णतः बंद ठेवण्यात येणार आहे.

पुणे शहर वाहतूक शाखेने दिलेल्या माहितीनुसार, 19 ऑगस्ट रोजी दुपारी 12 ते 2 वाजेपर्यंत या मार्गावार वाहतूक बंद राहणार आहे. या कालावधीत वाहनचालकांनी संबंधित मार्गावरून प्रवास करणे टाळून पर्यायी मार्गांचा वापर करावा, असे आवाहन करण्यात आले आहे.

रस्ता रुंदीकरणाच्या कामासाठी करण्यात येणाऱ्या ब्लास्टिंगमुळे नागरिकांच्या सुरक्षिततेच्या दृष्टीने वाहतूक बंद ठेवण्याचा निर्णय घेण्यात आला आहे. नागरिकांनी आणि वाहनचालकांनी वाहतूक व्यवस्थेला सहकार्य करावे, असे आवाहन भारतीय राष्ट्रीय महामार्ग प्राधिकरण (NHAI) तसेच पुणे शहर वाहतूक शाखेकडून करण्यात आले आहे.