Disha Vakani: ‘तारक मेहता का उल्टा चश्मा’ मालिकेतील लोकप्रिय अभिनेत्री दिशा वकाणी (दयाबेन) रक्षाबंधनानिमित्त मालिकेचे निर्माता असित मोदी यांच्या घरी गेल्या होत्या. त्यांनी असित मोदींना राखी बांधतानाचा फोटो सोशल मीडियावर व्हायरल झाला आहे. या फोटोमध्ये दिशा वकाणी आपल्या दोन मुलींसह दिसत आहेत आणि असित मोदींच्या कुटुंबासोबत आनंदाने गप्पा मारताना दिसतात.

या फोटोनंतर चाहत्यांमध्ये चर्चा सुरू झाली आहे की दिशा वकाणी लवकरच मालिकेत परतू शकतात. गेली सुमारे सहा वर्षे त्या मालिकेत दिसल्या नाहीत. त्यांच्या गैरहजेरीमुळे चाहत्यांना ‘दयाबेन’ची खूप आठवण येत होती. दरम्यान, माध्यमांच्या माहितीनुसार, दिशा वकाणीने जरी मालिकेपासून अंतर ठेवले असले तरी त्या असित मोदी आणि इतर कलाकारांशी संपर्कात आहेत.

दिशा वकाणीने मालिकेतून ब्रेक घेतला होता कारण त्या आपल्या मुलींच्या संगोपनात व्यस्त होत्या. आता त्यांच्या मुली मोठ्या झाल्याचे फोटोंमधून दिसत आहे. त्यामुळे त्या पुन्हा मालिकेत काम करण्याचा विचार करू शकतात, असा अंदाज चाहत्यांनी व्यक्त केला आहे. मात्र, त्यांच्या पुनरागमनाबाबत अद्याप कोणतीही अधिकृत घोषणा झालेली नाही.

चाहत्यांना आशा आहे की ‘दयाबेन’ची भूमिका पुन्हा दिशा वकाणीच साकारणार आणि मालिकेत जुन्या रंगतदार विनोदाची परतफेड होणार.