“द्वेष पसरवणाऱ्या…”; युझवेंद्र चहलसोबतच्या घटस्फोटाच्या चर्चांनंतर धनश्री वर्माचे ट्रोलर्सला सडेतोड उत्तर
Dhanashree Verma | भारतीय क्रिकेटपटू युझवेंद्र चहल आणि त्याची पत्नी धनश्री वर्मा वेगळे होत असल्याच्या चर्चा सध्या सोशल मीडियावर सुरु आहेत. दोघांनी सोशल मीडियावर एकमेकांना अनफॉलो केल्यानंतर वेगवेगळ्या बातम्या समोर येत आहे. तसेच धनश्रीला ट्रोलही केले जात आहे. या सर्व चर्चांदरम्यान धनश्री वर्माने एक इस्टाग्राम स्टोरी शेअर केली आहे. ज्यात तिने गेले काही दिवस कुटुंबासाठी खूपच कठीण जात असल्याचे म्हंटले आहे. सध्या तिची ही पोस्ट चांगलीच व्हायरल होत आहे.
धनश्री वर्माची पोस्ट
धनश्री वर्मानं इन्स्टाग्राम स्टोरीमध्ये घटस्फोटाच्या चर्चा आणि त्यानंतर होत असलेल्या ट्रोलिंगला उत्तर दिले आहे. पोस्टमध्ये तिने लिहिले की, “माझ्यासह कुटुंबासाठी गेल्या काही दिवसांपासून खूप कठीण काळ सुरू आहे. लोक माझ्याबद्दल काहीही खातरजमा न करता लिहितायत हे खूप त्रासदायक आहे. मला ट्रोलही करत आहेत. द्वेष पसरवणाऱ्या बिना चेहर्यांच्या ट्रोल्सकडून केले जाणारे माझ्या प्रतिष्ठेची चारित्र्यहनन अस्वस्थ करणारे आहे”. Dhanashree Verma |
“माझे नाव आणि प्रतिष्ठा निर्माण करण्यासाठी मी अनेक वर्षे कठोर परिश्रम घेतले आहेत. माझे मौन हे दुर्बलतेचे नाही तर ताकदीचे लक्षण आहे. नकारात्मकता ऑनलाइन सहज पसरवली जात असताना, इतरांना पुढे घेऊन जाण्यासाठी करुणा आणि धैर्याची गरज असते. मी माझ्या सत्यावर लक्ष केंद्रित करण्याचा आणि माझ्या मूल्यांना धरून पुढे जाण्याचा निर्णय घेतला आहे. सत्य मोठं ठरतं आणि त्याला कोणत्याही स्पष्टीकरणाची गरज नाही,” असेही धनश्री तिच्या पोस्टमध्ये म्हणाली आहे. Dhanashree Verma |
धनश्री आणि युझवेंद्र चहल यांचे २०२० मध्ये लग्न झाले. युजवेंद्र आणि धनश्री यांनी इन्स्टाग्रामवर एकमेकांना अनफॉलो केल्यानंतर चहलने धनश्रीबरोबरचे सर्व फोटो त्याच्या अकाऊंटवरून काढून टाकले असल्याचे सांगितले जात आहे. त्यामुळे त्यांच्या विभक्त होण्याच्या अफवा आणखी वाढल्या आहेत.
काही मीडिया रिपोर्ट्सनुसार, युजवेंद्र आणि धनश्री गेल्या काही महिन्यांपासून वेगळे राहत आहेत. त्यांच्या घटस्फोटाच्या अफवा येण्याची ही काही पहिलीच वेळ नाही. २०२३ मध्ये धनश्रीने तिच्या इन्स्टाग्राम हँडलवरून ‘चहल’ नाव काढून टाकले होते. धनश्रीने तिच्या पोस्टमध्ये कुठेही युझवेंद्र चहलचा किंवा घटस्फोटाच्या चर्चेचा उल्लेख केला नाही.
हेही वाचा:
