Devendra Fadnavis : काँग्रेस आणि लोकसभेतील विरोधी पक्षनेते राहुल गांधी यांच्या राजवट बदलण्याच्या मोहिमेमागील खरा अजेंडा लोकशाही व्यवस्था, संविधानिक संस्थांना उद्ध्वस्त करण्याचा आहे, असा आरोप मुख्यमंत्री देवेंद्र फडणवीस यांनी सोमवारी केला. (Devendra Fadnavis)

हे एक खोलवर रचलेले कारस्थान असल्याचे त्यांनी म्हटले. मुंबईत भाजपने आयोजित केलेल्या लोकशाही आणि संविधान वाचवा रॅलीत फडणवीस यांनी सहभाग घेतला आणि त्याचे नेतृत्वही केले. (Devendra Fadnavis)

बांगलादेश, नेपाळ आणि श्रीलंकेतील राजकीय घडामोडींचा संदर्भ देत त्यांनी दावा केला की, या देशांमधील घटनात्मक बदल आणि सत्तापालट हे एका मोठ्या आंतरराष्ट्रीय कारस्थानाचा भाग आहेत आणि भारतातही असेच प्रयत्न केले जात आहेत. (Devendra Fadnavis)

विरोधक लोकशाही संस्थांना नष्ट करण्याचे समर्थन करण्यासाठी ते जनतेचा या संस्थांवरील विश्वास कमी करण्याचा प्रयत्न करत आहेत, असा आरोप त्यांनी केला. लोकशाहीत प्रत्येकाला सरकार बदलण्याचा अधिकार आहे. (Devendra Fadnavis)

परंतु राजवट बदलणे म्हणजे काय? याचा अर्थ राजकीय व्यवस्था बदलणे, संविधान बदलणे आणि देशात स्थापित सर्व संस्थांमध्ये बदल करणे असा होतो. काँग्रेस आणि त्यांचे मित्रपक्ष संविधान वाचवा या घोषणेचा वापर राजवट बदलण्याच्या अजेंड्यासाठी करत आहेत. (Devendra Fadnavis)

आमच्या रक्ताचा शेवटचा थेंब असेपर्यंत आम्ही राजवट बदलू देणार नाही. आम्ही कोणालाही संविधानाला स्पर्श करू देणार नाही किंवा लोकशाहीला धोका निर्माण करू देणार नाही, असे त्यांनी म्हटले. ठाकरेसेना अध्यक्ष उद्धव ठाकरे यांनीही राजवट बदलण्याला पाठिंबा दिला आहे, जरी त्यांना या शब्दाचा अर्थही माहित नसावा, असेही फडणवीस यांनी आरोप केला. (Devendra Fadnavis)

Devendra Fadnavis : काँग्रेसने आणीबाणीच्या काळात संविधानाची चोरी केली; मुख्यमंत्री फडणवीस यांचा आरोप

Devendra Fadnavis : ‘लाल संविधान हा केवळ मुखवटा’; देवेंद्र फडणवीसांचा राहुल गांधी आणि काँग्रेसवर जोरदार घणाघात