Devendra Fadnavis : महाराष्ट्रामध्ये पोलीस सेवेतून सेवानिवृत्त होणाऱ्या श्वानांच्या देखभाल धोरणात मोठा बदल करण्यात आला आहे. मुख्यमंत्री देवेंद्र फडणवीस (Devendra Fadnavis) यांनी शनिवारी (22 ऑगस्ट) घोषणा केली की, सेवानिवृत्त पोलीस श्वानांना यापुढे कोणताही बाहेरील व्यक्ती दत्तक घेणार नाही.

सेवानिवृत्तीनंतरही हे श्वान पोलीस विभागातील त्यांच्या पूर्वीच्या हँडलर्ससोबतच राहतील. त्यांच्या निवास, भोजन आणि वैद्यकीय सेवेसह सर्व खर्च गृह विभाग उचलणार आहे.

फडणवीस म्हणाले, पोलीस दलात 10 वर्षे सेवा केलेल्या श्वानाला सेवानिवृत्तीनंतर कोणत्याही समस्यांना तोंड द्यावे लागू नये. अशा श्वानांनी त्यांच्या आयुष्यातील महत्त्वपूर्ण काळ पोलीस विभाग आणि त्यांच्या हँडलर्ससोबत (Devendra Fadnavis) घालवलेला असतो. त्यामुळे त्यांची सेवा संपल्यानंतरही त्यांना त्यांच्या उर्वरित आयुष्यात परिचित वातावरणात आरामात जगण्याची संधी दिली पाहिजे.

याआधी पोलीस श्वान 10 वर्षांची सक्रिय सेवा पूर्ण करून सेवानिवृत्त होत असत. तसेच, सहसा त्यांना बाहेरील व्यक्ती दत्तक घेत असत. आपल्या हँडलर्सपासून आणि वर्षानुवर्षे स्थापित केलेल्या नित्यक्रमापासून अचानक वेगळे झाल्यामुळे अनेक श्वानांना मानसिक तणावाचा सामना करावा लागत असे. नवीन वातावरणात प्रवेश केल्यावर काही कुत्र्यांमध्ये तणाव आणि धक्क्याची लक्षणे दिसू लागली, इतकेच नव्हे तर त्यांनी खाण्यासही नकार दिला.

नवीन धोरणानुसार, कुत्रे 10 वर्षांची सेवा पूर्ण केल्यानंतर पोलीस कारवाईतून निवृत्त होतील. पण, ते विभागातच राहतील. ते आयुष्यभर त्यांच्या पूर्वीच्या हँडलर्ससोबत राहणार आहेत. यामुळे पोलीस सेवेदरम्यान कुत्रा आणि त्याचा हँडलर यांच्यात निर्माण झालेले भावनिक नाते टिकून राहील. निवृत्त पोलीस श्वानांच्या आयुष्यभराच्या देखभालीचा खर्च गृह विभाग थेट उचलणार आहे.

यामध्ये त्यांचे अन्न, पोषण, आरोग्यसेवा आणि दैनंदिन (Devendra Fadnavis) गरजा यांचा समावेश असणार आहे. सरकारला विश्वास आहे की, त्यांना दत्तक देण्याऐवजी विभागातच त्यांची काळजी घेतल्यास या श्वानांना निवृत्तीनंतर एक सुरक्षित आणि परिचित वातावरण मिळेल, असा विश्‍वास त्‍यांनी व्‍यक्‍त केला.