Devdutt Padikkal Century : श्रीलंकेत देवदत्त पडिक्कलचे धडाकेबाज शतक! सराव सामन्यात यजमान गोलंदाजांची केली धुलाई
Devdutt Padikkal Century : भारतीय संघाने सराव सामन्यात ५७ षटकानंतर ४ बाद २१७ धावा केल्या असून १४६ धावांनी पिछाडीवर आहे
Devdutt Padikkal Century IND vs SL XI Warm Up Match Colombo : भारत आणि श्रीलंका यांच्यातील कसोटी मालिकेपूर्वी खेळल्या जात असलेल्या तीन दिवसीय सराव सामन्याच्या दुसऱ्या दिवशी भारतीय फलंदाजांनी जोरदार पुनरागमन केले आहे. यजमान श्रीलंका इलेव्हनच्या ३६३ धावांना प्रत्युत्तर देताना भारताचा युवा फलंदाज देवदत्त पडिक्कलने (Devdutt Padikkal) अत्यंत धमाकेदार शतक झळकावले. पडिक्कलने अवघ्या १२१ चेंडूंत १४ चौकारांच्या मदतीने आपले शतक पूर्ण केले. शतक ठोकल्यानंतर तो तातडीने ‘रिटायर्ड आऊट’ होऊन पवेलियनमध्ये परतला.
राहुल अन् जाडेजासोबत रचली भक्कम भागीदारी!
सामन्याच्या दुसऱ्या दिवशी सलामीवीर यशस्वी जैस्वाल शून्यावर बाद झाल्यानंतर पडिक्कल तिसऱ्या क्रमांकावर फलंदाजीला आला. त्याने कार्यवाहक कर्णधार के. एल. राहुलसोबत (४० धावा) दुसऱ्या विकेटसाठी ९६ धावांची महत्त्वपूर्ण भागीदारी रचली. राहुल बाद झाल्यानंतर चौथ्या क्रमांकावर फलंदाजीस आलेल्या रवींद्र जडेजासोबतही पडिक्कलने मोठी भागीदारी केली. दरम्यान, पडिक्कल निवृत्त झाल्यानंतर आलेला यष्टीरक्षक ऋषभ पंत ५ चेंडूंत अवघ्या २ धावा करून स्वस्तात बाद झाला.
💯 for Devdutt Padikkal! 🙌🙌
A superb knock from the left-handed batter in the warm-up game against SLC XI! 👏 👏
Updates ▶️ https://t.co/g7rdlUUjY2 #TeamIndia pic.twitter.com/eb0p6gnyEQ
— BCCI (@BCCI) August 8, 2026
साई सुदर्शनच्या जागेसाठी पडिक्कलची दावेदारी!
Half-century for Ravindra Jadeja! 😎
A solid knock so far from the experienced all-rounder 👏👏#TeamIndia 215/4, trail by 148 runs
Updates ▶️ https://t.co/g7rdlUUjY2 pic.twitter.com/Z8hYr1q4LE
— BCCI (@BCCI) August 8, 2026
देवदत्त पडिक्कलने २०२४ मध्ये धर्मशाला येथे इंग्लंडविरुद्ध कसोटी पदार्पण केले होते. मात्र, त्यानंतर त्याला पुरेशा संधी मिळालेल्या नाहीत. सध्या साई सुदर्शन दुखापतीमुळे रिहॅब करत असून, तो पहिल्या कसोटीसाठी फिट न झाल्यास तिसऱ्या क्रमांकावर पडिक्कलला संधी मिळण्याची दाट शक्यता निर्माण झाली आहे. पडिक्कलने आतापर्यंत दोन कसोटी सामन्यांत एका अर्धशतकासह ९० धावा केल्या आहेत.
दुसरीकडे, गुरुवारी सरावादरम्यान बोटाला झालेल्या दुखापतीमुळे नियमित कर्णधार शुबमन गिल या सामन्यात खेळत नसून, के. एल. राहुल संघाची धुरा सांभाळत आहे. पडिक्कलच्या या शतकामुळे आगामी गॉल कसोटीपूर्वी भारतीय संघ व्यवस्थापनाला मोठा दिलासा मिळाला आहे.
