Devdutt Padikkal Century IND vs SL 1st Test Galle : श्रीलंका दौऱ्यावरील पहिल्या कसोटी सामन्यात भारताचा युवा फलंदाज देवदत्त पडिक्कलने (Devdutt Padikkal) आपल्या उत्कृष्ट तंत्राचे आणि आक्रमकतेचे दर्शन घडवत शानदार शतक ठोकले आहे. दुखापतीमुळे बाहेर पडलेल्या साई सुदर्शनच्या जागी मिळालेल्या संधीचे पडिक्कलने सोने केले. गॉल आंतरराष्ट्रीय स्टेडियमवर श्रीलंकेच्या फिरकी माऱ्याची परीक्षा घेत पडिक्कलने अवघ्या १३४ चेंडूंमध्ये ९ चौकार आणि १ षटकाराच्या मदतीने आपले कसोटी शतक पूर्ण केले आणि भारतीय संघाला मजबूत स्थितीत आणले.

पुजाराचा उत्तराधिकारी सापडला; गंभीर अन् गिलचे टेन्शन संपले!

दिग्गज फलंदाज चेतेश्वर पुजाराच्या निवृत्तीनंतर कसोटी संघात तिसऱ्या क्रमांकाची (No. 3) जागा ही टीम इंडियासाठी डोकेदुखी ठरत होती. मात्र, गॉलच्या फिरकीला अनुकूल अशा आव्हानात्मक खेळपट्टीवर पडिक्कलने दाखवलेल्या संयमाने मुख्य प्रशिक्षक गौतम गंभीर आणि कर्णधार शुबमन गिल यांची मोठी चिंता मिटवली आहे. विशेष म्हणजे, भारतासाठी कसोटीत नंबर ३ वर शेवटचे शतक सप्टेंबर २०२४ मध्ये शुबमन गिलने झळकावले होते. तब्बल २ वर्षांनंतर पडिक्कलने शतकाचा हा दुष्काळ संपवून पुजाराचा वारसदार असल्याचे सिद्ध केले आहे.

Century and counting 🔥

That feeling when you get to your Maiden Test Ton! 💯

Updates ▶️ https://t.co/M9LVyCAp8y#TeamIndia | #SLvIND pic.twitter.com/arfiTOrS5v

— BCCI (@BCCI) August 15, 2026

केएल राहुलसोबत शतकीय भागीदारी; श्रीलंका बॅकफूटवर –

MAIDEN TEST HUNDRED! 💯

A special moment on a special day for Devdutt Padikkal in Galle 🥳

Updates ▶️ https://t.co/M9LVyCAp8y#TeamIndia | #SLvIND pic.twitter.com/8x1HcYeFbA

— BCCI (@BCCI) August 15, 2026

सलामीवीर यशस्वी जैस्वालची विकेट लवकर गमावल्यानंतर मैदानावर उतरलेल्या पडिक्कलने अत्यंत सावध सुरुवात केली. त्यानंतर अनुभवी केएल राहुलसोबत मिळून त्याने केवळ डाव सावरलाच नाही, तर श्रीलंकेच्या गोलंदाजांवर प्रतिआक्रमण केले. या दोघांमध्ये दुसऱ्या विकेटसाठी झालेल्या भक्कम शतकीय भागीदारीच्या जोरावर भारतीय संघाने सामन्यावर पूर्णपणे नियंत्रण मिळवले असून यजमान श्रीलंकेला बॅकफूटवर ढकलले आहे.

हेही वाचा – Farokh Engineer PadmaShri : माजी भारतीय क्रिकेटपटूची धक्कादायक व्यथा! पद्मश्री पुरस्कार जाहीर होऊन ५३ वर्षे लोटली, पण अजून मिळाला नाही

WTC फायनलच्या शर्यतीत पडिक्कलची खेळी ठरणार निर्णायक –

जागतिक कसोटी अजिंक्यपद (WTC 2025–2027) स्पर्धेच्या अंतिम फेरीत पोहोचण्याच्या दृष्टीने गॉल येथील हा पहिला कसोटी सामना भारतासाठी अत्यंत महत्त्वाचा आहे. श्रीलंकेला त्यांच्याच बालेकिल्ल्यात रोखण्यासाठी पहिल्या डावात मोठी धावसंख्या उभारणे गरजेचे होते, आणि देवदत्त पडिक्कलच्या या शतकी खेळीने भारताला सामन्यात भक्कम स्थितीत आणून ठेवले आहे.