Devdutt Padikkal Maiden Test Century IND vs SL 1st Test Galle 2002 Sourav Ganguly Record : श्रीलंकेविरुद्धच्या पहिल्या कसोटी सामन्याच्या पहिल्याच दिवशी भारताचा युवा फलंदाज देवदत्त पडिक्कलने (Devdutt Padikkal) आपल्या उत्कृष्ट खेळाचे दर्शन घडवत कारकिर्दीतील पहिले कसोटी शतक झळकावले. दुखापतग्रस्त साई सुदर्शनच्या जागी तिसऱ्या क्रमांकावर मिळालेल्या सुवर्णसंधीचे पडिक्कलने अक्षरशः सोने केले. गॉलच्या आव्हानात्मक मैदानावर श्रीलंकेच्या गोलंदाजांचा समाचार घेत त्याने अवघ्या १३४ चेंडूंमध्ये शानदार शतक पूर्ण करत भारतीय संघाला मजबूत स्थितीत आणून ठेवले.

२१ व्या शतकात गांगुलीनंतर अशी कामगिरी करणारा दुसराच फलंदाज –

या शतकासह पडिक्कलने एक ऐतिहासिक विक्रम आपल्या नावावर केला आहे. २१ व्या शतकात भारतासाठी कसोटीत तिसऱ्या क्रमांकावर फलंदाजी करत शतक झळकावणारा तो केवळ दुसरा डावखुरा फलंदाज ठरला आहे. त्याच्यापूर्वी तब्बल २२ वर्षांपूर्वी म्हणजे २००२ मध्ये माजी कर्णधार सौरव गांगुली यांनी झिम्बाब्वेविरुद्ध दिल्ली कसोटीत तिसऱ्या क्रमांकावर १३६ धावांची शतकी खेळी केली होती. तसेच २०२४ नंतर भारतासाठी नंबर ३ वर शतक झळकावणारा पडिक्कल पहिलाच खेळाडू ठरला आहे.

केएल राहुलसोबत १५० धावांची भक्कम भागीदारी –

Stumps on Day 1 in Galle! 🏟️

Fifty partnership up between Devdutt Padikkal & Rishabh Pant 🤝

A fine opening day of the First #SLvIND Test for #TeamIndia as they reach 288/2 after 73 overs 👌👌

See you tomorrow for Day 2 action.

Scorecard ▶️ https://t.co/M9LVyCAp8y pic.twitter.com/kI0J3sQSZJ

— BCCI (@BCCI) August 15, 2026

यशस्वी जैस्वालच्या विकेटनंतर मैदानात उतरलेल्या पडिक्कलने अनुभवी केएल राहुलसोबत दुसऱ्या विकेटसाठी १५० धावांची महत्त्वपूर्ण भागीदारी रचली. गॉलचे दमट वातावरण आणि पावसामुळे आलेल्या व्यत्ययानंतरही पडिक्कल पूर्णपणे आत्मविश्वासाने खेळत राहिला. चहापानानंतर ७७ धावांवर खेळत असताना केएल राहुलला स्नायूंचा ताण (Cramps) आल्याने त्याला रिटायर्ड हर्ट होऊन मैदान सोडावे लागले, तरीही पडिक्कलने एका बाजूने आक्रमक खेळ सुरूच ठेवला.

हेही वाचा – Cricketer Fined Lakh : मॅच सुरू असताना गर्लफ्रेंडशी चॅटिंग करणे पडले महागात! BCCIने युवा क्रिकेटपटूवर केली मोठी कारवाईदंड

रणजीतील त्रिशतकी तडाखा अन् टीम इंडियात पुनरागमन –

मार्च २०२४ मध्ये इंग्लंडविरुद्ध कसोटी पदार्पण करणाऱ्या पडिक्कलने देशांतर्गत क्रिकेटमध्ये सातत्याने घाम गाळला आहे. नुकत्याच झालेल्या रणजी हंगामात पंजाबविरुद्ध नाबाद १२० आणि उत्तराखंडविरुद्ध उपांत्य फेरीत तब्बल २३२ धावांची वादळी खेळी करत त्याने संघात पुनरागमन केले होते. अखेर श्रीलंका इलेव्हनविरुद्धच्या सराव सामन्यातील उत्कृष्ट लयीच्या जोरावर मिळालेल्या संधीचे त्याने गॉलमध्ये शतकात रूपांतर केले.