Police Suspended : कारागृहाच्या भिंतीआडून तब्बल १७ कैदी पसार झाले आणि संपूर्ण तुरुंग प्रशासन हादरले. सुरक्षेतील गंभीर त्रुटी समोर आल्यानंतर आता थेट मुख्यमंत्र्यांनीच कारवाईचा बडगा उगारला आहे. कारागृह उपअधीक्षकांना सेवेतून बडतर्फ करण्यात आले असून, १७ कर्मचाऱ्यांना तडकाफडकी निलंबित करण्यात आले आहे. (Police Suspended)

एवढेच नव्हे, तर या संपूर्ण प्रकरणाची सखोल चौकशी करण्याचे आदेशही देण्यात आले आहेत. तामिळनाडूतील या धक्कादायक घटनेनंतर कारागृह प्रशासनात मोठी खळबळ उडाली आहे. (Police Suspended)

नेमकं प्रकरण काय?

तामिळनाडूतील थेनी जिल्हा कारागृहातून १७ कैदी पळून गेल्याची गंभीर घटना घडली होती. या घटनेनंतर राज्यातील कारागृह प्रशासन आणि सुरक्षा व्यवस्थेवर प्रश्नचिन्ह उपस्थित करण्यात आले. या प्रकरणाची गंभीर दखल घेत मुख्यमंत्री थलपती विजय यांनी संबंधित अधिकाऱ्यांवर कठोर कारवाई केली आहे. (Police Suspended)

कारागृह प्रशासनाच्या देखरेखीत निष्काळजीपणा केल्याचा ठपका ठेवत कारागृह उपअधीक्षक एन. रामलिंगम यांना सेवेतून बडतर्फ करण्यात आले आहे. तसेच कारागृहातील १७ कर्मचाऱ्यांना निलंबित करण्यात आले असून, त्यांच्याविरोधात चौकशीचे आदेश देण्यात आले आहेत. (Police Suspended)

ऑगस्ट २०२४ पासून थेनी कारागृहात कार्यरत

बडतर्फ करण्यात आलेले कारागृह उपअधीक्षक एन. रामलिंगम हे ऑगस्ट २०२४ पासून थेनी कारागृहात कार्यरत होते. कारागृहातील सुरक्षा व्यवस्था आणि प्रशासनाच्या देखरेखीत गंभीर त्रुटी राहिल्याचा ठपका त्यांच्यावर ठेवण्यात आला आहे. (Police Suspended)

कैदी पळून जाण्याच्या घटनेनंतर संबंधित अधिकाऱ्यांची जबाबदारी निश्चित करण्याची प्रक्रिया सुरू करण्यात आली आहे. या प्रकरणात दोषी आढळणाऱ्या कर्मचाऱ्यांवर आणखी कठोर कारवाई होण्याची शक्यता आहे. (Police Suspended)

कैद्यांनी सुरक्षारक्षकावर केला हल्ला

मिळालेल्या माहितीनुसार, कारागृहातील एका कैद्याची प्रकृती खालावत असल्याचे सांगण्यात आले. त्यामुळे एका सुरक्षारक्षकाने मदतीसाठी बराकीचा दरवाजा उघडून आत प्रवेश केला. याच संधीचा फायदा घेत कैद्यांनी सुरक्षारक्षकावर हल्ला केला. (Police Suspended)

यानंतर कैद्यांनी सुरक्षारक्षकाकडील कारागृहाच्या मुख्य दरवाजाच्या चाव्या हिसकावून घेतल्या. मुख्य दरवाजा उघडताच त्यांनी कारागृहातून पलायन केले. त्यानंतर कैद्यांनी परिसरातील जंगलाच्या दिशेने धूम ठोकली. (Police Suspended)

या घटनेमुळे कारागृहातील सुरक्षा व्यवस्थेतील त्रुटी उघड झाल्या असून, प्रशासनाच्या निष्काळजीपणाबाबत गंभीर प्रश्न उपस्थित होत आहेत. (Police Suspended)

राज्यातील सर्व कारागृहांमध्ये सुरक्षा कडक करण्याचे निर्देश

या घटनेनंतर मुख्यमंत्री थलपती विजय यांनी राज्यातील सर्व कारागृहांमधील सुरक्षा व्यवस्था अधिक मजबूत करण्याचे निर्देश दिले आहेत. कारागृहांमध्ये कडक पाळत ठेवण्यासह सुरक्षा यंत्रणेतील त्रुटी दूर करण्यावर भर देण्यात आला आहे. (Police Suspended)

दरम्यान, राज्य सरकारने कारागृह आणि सुधार सेवा विभागात मोठे प्रशासकीय बदलही केले आहेत. गुरुवारी तुरुंग आणि सुधार सेवा विभागाचे पोलीस महासंचालक डॉ. संदीप राय राठोड यांची बदली करण्यात आली. (Police Suspended)

तामिळनाडूमधील दोन कारागृहांमध्ये कैदी पळून जाण्याच्या घटनांनंतर राज्य सरकारने कठोर भूमिका घेतली आहे. या प्रकरणाची चौकशी सुरू असून, तपासातून आणखी कोणती माहिती समोर येते आणि प्रशासनातील आणखी कोणावर कारवाई होते, याकडे सर्वांचे लक्ष लागले आहे. (Police Suspended)