Deputy CM Sunetra Pawar : अजित पवार यांच्या विमान अपघातातील अकाली निधनानंतर महाराष्ट्राच्या राजकारणात वेगवान घडामोडी घडत आहेत. आज सुनेत्रा पवार (Deputy CM Sunetra Pawar) यांनी उपमुख्यमंत्री पदाची शपथ घेतली आणि महाराष्ट्राच्या इतिहासात त्या पहिल्या महिला उपमुख्यमंत्री म्हणून नोंद झाल्या. शपथविधी राजभवनात राज्यपालांच्या हस्ते पार पडला. शपथ घेतल्यानंतर अवघ्या दीड तासांत महायुती सरकारने खातेवाटप जाहीर केले आहे. खातेवाटप आणि महत्त्वाचे बदल खातेवाटपात अर्थ आणि नियोजन खाते मुख्यमंत्री देवेंद्र फडणवीस यांच्याकडे ठेवण्यात आले आहे. हे खाते अजित पवार यांच्याकडे होते, जे राज्याच्या आर्थिक धोरणांसाठी अत्यंत महत्त्वाचे आहे. सुनेत्रा पवार (Deputy CM Sunetra Pawar) यांना राज्य उत्पादन शुल्क (एक्साइज), क्रीडा आणि युवक कल्याण, अल्पसंख्याक विकास आणि औकाफ ही खाती सोपवण्यात आली आहेत. हे खाते सामाजिक आणि महसूलाशी संबंधित असून, त्यातून सुनेत्रा पवार यांना पक्ष आणि सरकारमध्ये सक्रिय भूमिका बजावण्याची संधी मिळेल. Deputy CM Sunetra Pawar नरेश अरोरांचा पत्ता कट ? शपथविधी आणि त्यापूर्वीच्या घडामोडींमध्ये पडद्याआड महत्त्वाची भूमिका बजावणाऱ्या नरेश अरोरा यांचे नाव चर्चेत आले होते. नरेश अरोरा हे राष्ट्रवादी काँग्रेस (अजित पवार गट) चे राजकीय सल्लागार म्हणून ओळखले जात होते. बारामतीतून मुंबईकडे सुनेत्रा पवार, पार्थ पवार आणि जय पवार यांच्यासोबत ते प्रवास करत होते आणि उपमुख्यमंत्रीपदाच्या प्रक्रियेत त्यांची महत्त्वाची भूमिका होती. मात्र, शपथविधीच्या मुख्य सोहळ्यात नरेश अरोरा गैरहजर राहिले. सूत्रांच्या माहितीनुसार, शपथविधीच्या निमित्ताने सुचवण्यात आलेल्या काही बाबींकडे दुर्लक्ष झाल्याने पक्षातील नेते नाराज झाले आहेत. आज दुपारी देवगिरी बंगल्यावर झालेल्या कोअर कमिटीच्या बैठकीला अरोरा उपस्थित होते, पण मुख्य कार्यक्रमात त्यांची अनुपस्थिती चर्चेचा विषय ठरली. यामुळे त्यांचा पत्ता कट झाल्याची चर्चा राष्ट्रवादीत रंगली आहे. सुनेत्रा पवार यांच्या पहिल्या मोठ्या निर्णयांमध्ये हा बदल दिसून येत आहे. राष्ट्रीय अध्यक्ष निवडणूक लांबणीवर राष्ट्रवादी काँग्रेसमध्ये आणखी एक महत्त्वाची घडामोड घडली आहे. सुनेत्रा पवार यांची विधिमंडळ गटनेतेपदी निवड आणि उपमुख्यमंत्री शपथ झाली असली तरी पक्षाचे राष्ट्रीय अध्यक्षपद निवडण्याची प्रक्रिया लांबणीवर टाकण्यात आली आहे. कार्यकारी अध्यक्षपद हे पक्षासाठी अत्यंत महत्त्वाचे आहे, पण सध्या जिल्हा परिषद निवडणुका, अर्थसंकल्पीय अधिवेशन आणि इतर महत्त्वाच्या घटना असल्याने ही निवडणूक पुढे ढकलण्यात आली आहे. हे पण वाचा : Sunetra Pawar : दादांच्या स्वप्नातील महाराष्ट्र घडवणार; शपथविधीनंतर सुनेत्रा पवारांची पहिली प्रतिक्रिया