बारामती : उपमुख्यमंत्री सुनेत्रा पवार आज पहाटे बारामतीमध्ये विकासकामांच्या पाहणीसाठी जात असताना मार्गात एका तरुणीचा अपघात झाल्याचे त्यांच्या निदर्शनास आले. प्रसंगाचे गांभीर्य ओळखत त्यांनी तत्काळ आपला ताफा थांबवला आणि अपघातग्रस्त तरुणीची प्रत्यक्ष जाऊन विचारपूस केली.

सुनेत्रा पवार यांनी  संबंधित अधिकाऱ्यांना आणि सहकाऱ्यांना तातडीने आवश्यक मदत करण्याच्या सूचना देत तरुणीला त्वरित रुग्णालयात दाखल करण्याची व्यवस्था केली. तसेच, उपचारात कोणतीही अडचण येऊ नये यासाठी आपल्या स्वीय सहाय्यकांनाही रुग्णालयात सोबत पाठवून उपचारांची संपूर्ण खबरदारी घेण्याचे निर्देश दिले.

दरम्यान, सुनेत्रा पवार यांनी दाखविलेल्या या संवेदनशीलता, तत्परता आणि माणुसकीच्या भावनेमुळे उपस्थित नागरिकांना दिवंगत लोकनेते अजित पवार यांच्या जनतेप्रती असलेल्या तत्पर आणि लोकाभिमुख कार्यशैलीची आठवण झाली. संकटाच्या क्षणी मदतीसाठी धावून जाण्याचा त्यांचा वारसा सुनेत्रा पवार यांनी समर्थपणे पुढे नेत असल्याची भावना यावेळी अनेकांनी व्यक्त केली.

हेही वाचा: 

Divija Fadnavis : ‘लोकशाहीत आंदोलनाचा अधिकार, पण…’; CJP आंदोलनावर CM फडणवीसांच्या लेकीची पहिली प्रतिक्रिया