हॉंगकॉंगमध्ये निदर्शकांवर पाणीमारा

हॉंगकॉंग: हॉंगकॉंगमध्ये लोकशाही आंदोलनकर्त्यांनी आज पोलिसांवर पेट्रोल बॉम्ब आणि दगडांचा मारा केला. त्यामुळे पोलिसांनीही आंदोलकांना पांगवण्यासाठी अश्रुधुरांच्या नळकांड्या फोडल्या आणि पाण्याचाही मारा केला.

काही दिवसांपूर्वी या आंदोलानाला हिंसक वळण लागले होते. त्यानंतर काही दिवसातच आंदोलन पुन्हा पेटले आहे. गेल्या 99 दिवसांपासून हॉंगकॉंगमधील लोकशाही आंदोलन धगधगते आहे. एकेकाळीस्थिर असलेल्या आंतरराष्ट्रीय केंद्राला मोठ्या लोकशाही स्वातंत्र्य आणि पोलिसांच्या उत्तरदायित्वाची मागणी करणाऱ्या कित्येक आठवड्‌यांच्या प्रचंड, कधीकधी हिंसक मोर्च्यांने धक्का दिला.

आज आंदोलकांनी कोणत्याही पूर्वनियोजनाशिवाय रस्त्यावर रॅली काढली. त्याला अर्थातच प्रशासनाकडून कोणतीही परवानगी दिली गेली नव्हती. यामुळे पोलिसांनी या रॅलीला रोखण्याचा प्रयत्न केला. आंदोलकांनी पोलिसांवर दगड आणि पेट्रोल बॉम्ब फेकले. त्यामुळे पोलिसांनी अश्रुधुराच्या नळकांड्या वारंवार फोडल्या. तसेच पाण्याच्या माऱ्यानेही आंदोलकांना पांगवण्याचा प्रयत्न केला. काही आंदोलकांनी भुयारी मार्गाची तोडफोड केली. तेथील मालमत्तेला आग लावली आणि रस्त्यांवर अडथळे उभे केले. 1997 मध्ये ब्रिटनकडून हे शहर पुन्हा ताब्यात चीनने घेतल्यामुळे हे आंदोलन भडकले आहे आणि चीनच्या राजवटीला सर्वात मोठे आव्हान ठरले आहे. हे आव्हान संपण्याचे कोणतेही चिन्ह सध्या तरी दिसत नाही.

हस्तांतरण होण्यापूर्वी ब्रिटनबरोबर झालेल्या कराराखाली, हॉंगकॉंगला 50 वर्षे स्वातंत्र्य ठेवण्याची परवानगी देण्यात आली आहे. परंतु या अर्ध-स्वायत्त प्रदेशावर राजकीय नियंत्रण अधिक कडक करून आणि सार्वभौम मताधिकार चीनने नाकारला. यामुळे या आश्वासनांची फेरआखणी केल्याचा आरोप लोकशाही कार्यकर्ते करत आहेत.

Leave A Reply

Your email address will not be published.