गाझियाबाद – सीबीआयने आज मनीष सिसोदिया यांच्या लॉकरचीही झडती घेतली. तथापि, या लॉकरमध्येही काहीही न सापडल्याने सीबीआयने आपल्याल क्लीन चिट दिली आहे, असे दिल्लीचे उपमुख्यमंत्री मनीष सिसोदिया (Delhi Deputy Chief Minister Manish Sisodia) यांनी म्हटले आहे.
सीबीआयच्या चार सदस्यीय टीमने दिल्ली जवळील गाझियाबाद येथील पंजाब नॅशनल बॅंकेच्या शाखेत त्यांच्या लॉकरचा शोध घेतला तेव्हा सिसोदिया आणि त्यांची पत्नी उपस्थित होते. सीबीआय दबावाखाली काम करत होती, असे सिसोदिया यांनी शोध संपल्यानंतर पत्रकारांना सांगितले. आज मला सीबीआयकडून क्लीन चिट मिळाल्याचा मला आनंद आहे.
माझ्या लॉकर किंवा निवासस्थानाच्या झडतीतून त्यांना काहीही सापडले नाही,” असे सिसोदिया यांनी पत्रकारांना सांगितले. सीबीआयचे पथक सिसोदिया यांच्या लॉकरची तपासणी करण्यासाठी येणार असल्याचे आधीच जाहीर झाल्याने तेथे माध्यमांचे प्रतिनिधी आणि बघ्यांची मोठीच गर्दी झाली होती. सिसोदिया यांच्या घरावरही 19 ऑगस्ट रोजी छापा घालून तेथे 14 तास तपासणी करण्यात आली पण तेथही सीबीआयला काहीही सापडले नाही. (Delhi Deputy Chief Minister Manish Sisodia clean chit from CBI?)
