Vadodara bridge |  गुजरातमधील वडोदरा जिल्ह्यात मंगळवारी एक मोठी दुर्घटना घडली. वडोदरा आणि आनंद जिल्ह्याला जोडणारा महिसागर नदीवरील गंभीरा पूल अचानक कोसळला. या अपघातात आतापर्यंत १५ जणांचा मृत्यू झाला आहे.

या घटनेच्या २४ तासांनंतरही मदत आणि बचाव कार्य सुरू आहे. बुधवारी सकाळी वडोदरा जिल्हाधिकारी अनिल धामेलिया यांनी घटनास्थळी पोहोचून मदत आणि बचाव कार्याचा आढावा घेतला. गुजरात राज्य आपत्ती प्रतिसाद दल (एसडीआरएफ) च्या पथके घटनास्थळी पोहोचली आहेत. पाणबुड्यांच्या मदतीने नदीत अडकलेल्या लोकांचा शोध घेण्याचे काम सुरू आहे. स्थानिक प्रशासन मशीन आणि बोटींद्वारे ढिगारा काढण्यातही गुंतले आहे.

मंगळवारी अनेक लोक आणि वाहने पुलावरून जात असताना अचानक त्याचा एक भाग तुटून नदीत पडला. अनेक वाहने आणि लोक नदीत पडले. अपघाताचे नेमके कारण तपासले जात आहे. जिल्हा प्रशासनाने एनडीआरएफ टीम पाठवली असून गेल्या २४ तासांपासून आम्ही वाहने बाहेर काढण्याचा प्रयत्न केला जात आहे.   Vadodara bridge |

 पूल १९८५ मध्ये बांधण्यात आला होता

गुजरातचे मंत्री ऋषिकेश पटेल म्हणाले, हा पूल १९८५ मध्ये बांधण्यात आला होता. त्याची वेळोवेळी देखभाल करण्यात आली. या घटनेमागील नेमके कारण तपासले जाईल. दोन खांबांमधील पुलाचा संपूर्ण स्लॅब गायब असल्याचे चित्रांमध्ये दिसून येते. सुमारे ९०० मीटर लांबीच्या गंभीरा पुलावर २३ खांब आहेत. या पुलाची दुरुस्ती गेल्या वर्षीच करण्यात आली होती. पुलावरील वाढती वाहतूक पाहता, सरकारने तीन महिन्यांपूर्वी २१२ कोटी रुपये खर्चून नवीन पूल मंजूर केला होता. या पुलाच्या डिझाइन आणि निविदा प्रक्रियेलाही सुरुवात झाली आहे. Vadodara bridge |

हेही वाचा:  

“एका ‘पप्पूने’ काँग्रेसला बुडवले, तर तेजस्वी, राहुलने एका ‘पप्पू’ला रडवले”; शहजाद पूनावाला यांचा हल्लाबोल