David Warner Retires : ऑस्ट्रेलियाचा दिग्गज फलंदाज डेव्हिड वॉर्नरने कसोटी आणि एकदिवसीय क्रिकेटमधून निवृत्ती घेतली आहे. त्याने शेवटचा कसोटी सामना पाकिस्तानविरुद्ध सिडनी येथे खेळला. सामन्याच्या शेवटच्या दिवशी (६ जानेवारी) वॉर्नरची कारकीर्द संपुष्टात आली. 2011 मध्ये पदार्पण करणाऱ्या या 37 वर्षीय स्फोटक फलंदाजाने 112 कसोटी सामने खेळले. त्याने कारकिर्दीतील शेवटच्या डावात अर्धशतक झळकावले आणि संघाच्या आठ गडी राखून विजयात महत्त्वाची भूमिका बजावली.वॉर्नर जेवढा आक्रमक होता तेवढाच तो हळवा देखील होता.त्याने स्फोटक फलंदाज म्हणून जेवढी प्रसिद्धी मिळवली तेवढाच तो वादग्रस्त देखील राहिला. जाणून घेऊयात वॉर्नरची कारकीर्द नेमकी कशी होती.

पहिली कसोटी मालिका
डेव्हिड वॉर्नरला 2011 मध्ये न्यूझीलंडविरुद्ध त्याच्या घरच्या मैदानावर पहिल्यांदा कसोटी खेळण्याची संधी मिळाली. ब्रिस्बेनमधील पदार्पणाच्या सामन्यात त्याने तीन आणि नाबाद 12 धावा केल्या. यानंतर होबार्टमध्ये खेळल्या गेलेल्या दुसऱ्या सामन्यात त्याने पहिले शतक झळकावले. पहिल्या डावात 15 धावा करणाऱ्या वॉर्नरने दुसऱ्या डावात नाबाद 123 धावा केल्या. मात्र, ऑस्ट्रेलियन संघ हा कसोटी सामना सात धावांनी हरला. पराभव होऊनही आपण मोठा फलंदाज होऊ शकतो हे त्याने त्याच वेळी सिद्ध केले.

कसोटीत तुफानी फलंदाजी
पहिल्या कसोटी शतकात वॉर्नरने संयम दाखवला, तर त्यानंतरच्या भारताविरुद्धच्या पुढील मालिकेत त्याने स्फोटक फलंदाजी दाखवली. पर्थ येथे झालेल्या मालिकेतील तिसऱ्या कसोटीत त्याने पहिल्या डावात 180 धावा केल्या होत्या. वॉर्नरने अवघ्या 69 चेंडूत आपले शतक पूर्ण करून सर्वांना चकित केले. वेगवान गोलंदाजांना खेळपट्टीवरून बाऊन्स आणि स्विंग दोन्ही मिळत होते, पण त्याचा वॉर्नरवर काहीही परिणाम होत नव्हता. त्याने 13 चौकार आणि तीन षटकार मारले. कसोटी क्रिकेटमधील हे सहावे जलद शतक आहे. वॉर्नरने 2017 मध्ये सिडनीमध्ये पाकिस्तानविरुद्ध 78 चेंडूत शतक तर 2016 मध्ये वेस्ट इंडिजविरुद्ध सिडनीमध्ये 82 चेंडूत शतक झळकावले होते.

वॉर्नरची हळवी बाजू
वॉर्नरने कसोटीत 26 शतके झळकावली, पण 2015 मध्ये खेळलेली एक डाव त्याचा अजूनही फेव्हरेट आहे. ऑस्ट्रेलियन क्रिकेटपटू फिलिप ह्युजेस यांचे 30 नोव्हेंबर 2014 रोजी निधन झाले. शेफिल्ड शील्ड सामन्यादरम्यान बाऊन्सरवर तो जखमी झाला होता. चेंडू त्याच्या डोक्याला लागला. ह्युज जखमी होताच मैदानावर पडला. त्याला रुग्णालयात नेण्यात आले, पण तो वाचला नाही. त्या सामन्यात वॉर्नर ह्युजच्या जवळ क्षेत्ररक्षण करत होता. ह्युज हॉस्पिटलमध्ये जात असताना वॉर्नरचा हात त्याच्या डोक्याखाली होता. त्याला वाचवता आले नाही. वॉर्नरला धक्का बसला. यानंतर त्याने पुनरागमन करत जानेवारीच्या पहिल्या आठवड्यात शतक झळकावले. त्याने 101 धावा केल्या होत्या. वॉर्नरने ६३ धावांपर्यंत मजल मारली तेव्हा त्याने ह्युजच्या आठवणीत जमिनीचे चुंबन घेतले आणि मग आकाशाकडे पाहिले. त्यावेळी सगळेच भावुक झाले.

बॉल टॅम्परिंगचा वाद
2018 मध्ये वॉर्नरचे नाव पहिल्यांदाच वादात आले होते. दक्षिण आफ्रिकेतील केपटाऊनमध्ये त्याने कॅमेरून बॅनक्रॉफ्टला सँडपेपरने चेंडू घासण्यास सांगितले. या कारणामुळे त्याला बॅनक्रॉफ्ट आणि कर्णधार स्टीव्ह स्मिथसह संघातून वगळण्यात आले. मायदेशी परतल्यानंतर वॉर्नर रडताना दिसला. वॉर्नर आणि स्मिथवर एका वर्षाची बंदी घालण्यात आली होती. याशिवाय त्याला कधीही ऑस्ट्रेलियाचा कर्णधार बनवायचे नाही, असेही ठरले होते. वादानंतर वॉर्नरने 2019 च्या एकदिवसीय विश्वचषकातून शानदार पुनरागमन केले.

तिहेरी शतक
वॉर्नरने 2019 मध्ये पाकिस्तानविरुद्धच्या दिवस-रात्र कसोटीत शानदार त्रीशतक झळकावले होते. अॅडलेडमध्ये त्याने 335 धावांची नाबाद खेळी खेळली. तो अॅडलेडमध्ये सर्वाधिक धावा करणारा खेळाडूही ठरला. त्याने डॉन ब्रॅडमनचा विक्रम मोडला. ब्रॅडमन यांनी १९३१-३२ मध्ये दक्षिण आफ्रिकेविरुद्ध २९९ धावा केल्या होत्या. 335 धावा ही ऑस्ट्रेलियाच्या फलंदाजांची कसोटीतील दुसरी सर्वोच्च धावसंख्या आहे. मॅथ्यू हेडन या बाबतीत वॉर्नरच्या पुढे आहे. त्याने 2003 मध्ये झिम्बाब्वेविरुद्ध 380 धावांची इनिंग खेळली होती.

गेल्या मालिकेतही वॉर्नर सुपरहिट ठरला होता
डेव्हिड वॉर्नरने त्याच्या शेवटच्या मालिकेत सहा डावांत ४९.८३ च्या सरासरीने २९९ धावा केल्या होत्या. या मालिकेत शतक झळकावणारा तो एकमेव फलंदाज होता. ऑस्ट्रेलियाने तीन कसोटी सामन्यांची मालिका ३-० ने जिंकली. वॉर्नरने गतवर्षी या संघासोबत वर्ल्ड टेस्ट चॅम्पियनशिपची अंतिम फेरी जिंकली होती. त्यानंतर तो इंग्लंडविरुद्ध अॅशेस वाचवणाऱ्या संघाचा सदस्य होता. त्याचबरोबर वनडे विश्वचषकात संघाला चॅम्पियन बनवले. वॉर्नर 2015 मध्ये विश्वचषक विजेत्या संघाचाही सदस्य होता.

वॉर्नरची कसोटी कारकीर्द
वॉर्नरच्या कसोटी कारकिर्दीबद्दल बोलायचे झाले तर त्याने 111 सामन्यात 44.59 च्या सरासरीने 8695 धावा केल्या. या कालावधीत त्याने 26 शतके आणि 36 अर्धशतके केली. एकदिवसीय क्रिकेटमधील 161 सामन्यांमध्ये त्याने 45.01 च्या सरासरीने 6932 धावा केल्या. त्याने 22 शतके आणि 33 अर्धशतके केली आहेत.

वॉर्नरची वनडे कारकीर्द
वॉर्नरने 161 सामन्यांच्या 159 डावांमध्ये 6932 धावा केल्या आहेत. त्याने 45.30 च्या सरासरीने आणि 97.26 च्या स्ट्राईक रेटने धावा केल्या आहेत. वॉर्नरच्या नावावर 22 शतके आणि 33 अर्धशतके आहेत.