Ajit Pawar : पुणे जिल्ह्यातील दौंड तालुक्यातील वाखारी येथील कला केंद्रात २१ जुलै रोजी गोळीबाराची घटना घडल्याने एकच खळबळ उडाली होती. येथील न्यू अंबिका नावाच्या कलाकेंद्रात ही धक्कादायक घटना घडली आहे. पोलिसांनी या घटनेच्या चौकशीचा वेग वाढवला आहे. या प्रकरणी पोलिसांनी तिघांना ताब्यात घेतले आहे. पोलिसांनी अटक केलेल्यांमध्ये भोरचे राष्ट्रवादी काँग्रेस (अजित पवार) आमदार शंकर मांडेकर यांच्या भावालाही अटक करण्यात आली आहे. बाळासाहेब मांडेकर असे त्यांच्या भावाचे नाव असून, भावाला अटक केल्यानंतर मांडेकर यांनी प्रतिक्रिया दिली आहे. मी किर्तनात मी किर्तनात, तर माझा भाऊ कलाकेंद्रावर हे शॉकींग अशी भावाच्या अटकेनंतर शंकर मांडेकरांनी प्रतिक्रिया दिली आहे. अशातच आता या प्रकरणी उपमुख्यमंत्री आणि पुणे जिल्ह्याचे पालकमंत्री अजित पवार यांनी प्रतिक्रिया दिली आहे. नेमकं काय म्हणाले अजित पवार? या प्रकरणाची माहिती पोलीस अधीक्षकांकडून घेतल्याचे अजित पवार यांनी सांगितले. तसेच मुख्यमंत्री देवेंद्र फडणवीस दौऱ्यावर असून ते आल्यानंतर एकत्रित बसून चर्चा करणार आहे. दौंड येथील कलाकेंद्रात गोळीबाराची माहिती घेतली असून, हवेत गोळीबार झाला आहे. या घटनेत कोणीही जखमी झालेले नाही, अशी माहिती अजित पवार यांनी दिली. गरज वाटली तर… तसेच या प्रकरणात राजकीय हस्तक्षेप होऊ नये, अशा सूचना दिल्या असल्याचे ते म्हणाले. दौंडमध्ये गरज वाटली तर मकोकाही लावणार असल्याचा थेट इशारा अजित पवार यांनी दिला आहे, यावेळी बोलताना दिली आहे. यामुळे आता या प्रकरणात काय कारवाई होणार हे पाहणे महत्वाचे असणार आहे.
