Cristiano Ronaldo Angry after asking about Messi : फुटबॉल जगतातील महान खेळाडू ख्रिस्तियानो रोनाल्डो याचा मैदानातील आणि मैदानावरील स्वॅग काही वेगळाच आहे. फिफा विश्वचषक २०२६ स्पर्धेत उझबेकिस्तानविरुद्ध पोर्तुगालने ५-० असा एकतर्फी विजय मिळवला. या सामन्यात रोनाल्डोने दोन शानदार गोल डागले. पहिला गोल करताच त्याने लगातार ६ वेगवेगळ्या फिफा विश्वचषकात गोल करणारा जगातील पहिला खेळाडू बनण्याचा ऐतिहासिक पराक्रम केला. गोल केल्यावर त्याने कॅमेऱ्यासमोर येत ‘आय एम बॅक’ (मी परत आलोय) अशी गर्जना केली. मात्र, सामन्यानंतर पत्रकार परिषदेत मेस्सीचे नाव निघताच रोनाल्डोचा पारा चांगलाच चढला.

४१ व्या वर्षी इतिहास; रोजर मिल्ला यांच्यानंतर दुसरे स्थान –  (Ronaldo Angry Messi)

उझबेकिस्तानविरुद्ध मैदानात उतरलेला रोनाल्डो (Ronaldo ) आता ४१ वर्षे १३८ दिवस वयाचा झाला आहे. या वयात विश्वचषकात गोल करत तो फिफा इतिहासातील गोल करणारा दुसरा सर्वात वयस्कर खेळाडू ठरला आहे. या यादीत कॅमेरूनचे दिग्गज रोजर मिल्ला (४२ वर्षे ३९ दिवस, १९९४ विश्वचषक) अव्वल स्थानी आहेत. सामन्यानंतर जेव्हा रोनाल्डो प्रसारमाध्यमांशी संवाद साधायला आला, तेव्हा त्याचा मूड छान होता. मात्र, तिथे उपस्थित एका पत्रकाराने त्याचा कट्टर प्रतिस्पर्धी लिओनेल मेस्सी आणि फ्रान्सचा किलियन एम्बाप्पे यांच्या फॉर्मचा उल्लेख केला.

मेस्सीचे नाव ऐकताच संतापला रोनाल्डो; प्रश्नही पूर्ण होऊ दिला नाही –  (Ronaldo Angry Messi)

🚨 Cristiano Ronaldo when asked once again and again about Messi: “I couldn’t care less about others… Mbappé also scored”. pic.twitter.com/yNrz6p3GhX

— Fabrizio Romano (@FabrizioRomano) June 24, 2026

पत्रकाराने विचारले, “कालच्या सामन्यात मेस्सीने दोन गोल केले आणि त्यानंतर एम्बाप्पेनेही गोल डागले, तर…” पत्रकाराचे हे वाक्य पूर्ण होण्याआधीच रोनाल्डो चांगलाच संतापला. त्याने पत्रकाराला मध्येच टोकले आणि म्हणाला, “पुढचा प्रश्न विचारा!” रोनाल्डोने पुढे स्पष्ट केले की, “माझ्यासाठी वैयक्तिक रेकॉर्ड्सपेक्षा माझी टीम एकजुट होऊन खेळणे सर्वात महत्त्वाचे आहे. आमचे लक्ष इतर कोणत्याही गोष्टीवर नाही.”

हेही वाचा – Suryansh Shedge Reaction : “माझ्यासाठी आईने स्वतःच्या करिअरचा बळी दिला…”, टीम इंडियात निवड होताच सूर्यांश शेडगे भावुक

गोल्डन बूटच्या शर्यतीत मेस्सी सर्वात पुढे –

 

चालू विश्वचषकात सध्या अर्जेंटिनाचा कर्णधार लिओनेल मेस्सी तुफान फॉर्ममध्ये आहे. पहिल्याच सामन्यात अल्जीरियाविरुद्ध मेस्सीने त्याच्या २० वर्षांच्या विश्वचषक कारकिर्दीतील पहिली हॅट्ट्रिक नोंदवली होती. दुसऱ्या सामन्यात दोन गोल करत २ सामन्यांत ५ गोलसह मेस्सी सध्या ‘गोल्डन बूट’च्या शर्यतीत अव्वल आहे. त्याच्यापाठोपाठ किलियन एम्बाप्पे आणि एर्लिंग हालंड हे प्रत्येकी ४-४ गोलसह दुसऱ्या स्थानावर आहेत.