FIFA WC Cup 2026 Final Donald Trump Present Trophy : फिफा फुटबॉल विश्वचषक २०२६   स्पर्धेचा थरार सध्या जगभरात पाहायला मिळत आहे. या महाकुंभाच्या अंतिम सामन्याबाबत आता एक अत्यंत मोठी आणि रंजक माहिती समोर आली आहे. १९ जुलै रोजी न्यूजर्सी येथील ऐतिहासिक मेटलाइफ स्टेडियमवर रंगणाऱ्या विश्वचषकाच्या फायनलमधील विजेत्या संघाला यंदा अमेरिकेचे राष्ट्राध्यक्ष डोनाल्ड ट्रम्प यांच्या हस्ते सोन्याची ट्रॉफी दिली जाणार आहे. फिफाचे अध्यक्ष जियानी इन्फेन्टिनो यांनी स्वतः एका मुलाखतीदरम्यान या वृत्ताला दुजोरा दिला आहे.   (Trump FIFA Trophy )

फिफा अध्यक्ष आणि ट्रम्प यांच्यातील मैत्रीची चर्चा –  (Trump FIFA Trophy)

फिफा अध्यक्ष जियानी इन्फेन्टिनो यांनी अमेरिकेचे राष्ट्राध्यक्ष डोनाल्ड ट्रम्प यांच्याशी आपले संबंध कमालीचे मजबूत केले आहेत. या मैत्रीची सुरुवात इन्फेन्टिनो यांनी ट्रम्प यांना फिफाचा पहिला ‘शांतता पुरस्कार’ (FIFA Peace Award) देऊन केली होती. हा विशेष पुरस्कार देण्याची सुरुवात खुद्द इन्फेन्टिनो यांनीच केली आहे.

 

इन्फेन्टिनो यांनी अमेरिकेतील प्रसिद्ध “फॉक्स अँड फ्रेंड्स” (Fox & Friends) या टीव्ही शोमध्ये बोलताना सांगितले की, “मी आणि राष्ट्राध्यक्ष डोनाल्ड ट्रम्प १९ जुलै रोजी स्टेडियममध्ये एकत्र बसून फिफा विश्वचषकाच्या अंतिम सामन्याचा आनंद घेणार आहोत. त्यानंतर विजेत्या संघाला ट्रॉफी देखील बहाल करू.” मात्र, फिफाच्या मुख्य कार्यालयाने अध्यक्षांच्या या टीव्हीवरील वक्तव्यावर अधिकृत भाष्य करण्यास सध्या नकार दिला आहे.

खेळाडूंचा विरोध आणि इतिहास –  (Trump FIFA Trophy)

डोनाल्ड ट्रम्प यांच्या हस्ते विजेत्याला ट्रॉफी देण्याची ही पहिलीच वेळ नसेल. गेल्या वर्षी ट्रम्प यांनी ‘क्लब वर्ल्ड कप’ जिंकणाऱ्या चेल्सी (Chelsea) संघालाही ट्रॉफी दिली होती. मात्र, त्यावेळी ट्रम्प यांच्या हस्ते पुरस्कार स्वीकारण्यास काही खेळाडूंनी उघडपणे विरोध दर्शवला होता, ज्यामुळे मोठा वाद निर्माण झाला होता.

हेही वाचा – Ronaldo Angry Messi : पोर्तुगालसाठी गोल केल्यानंतर रोनाल्डो मेस्सीचे नाव ऐकताच संतापला; पत्रकार परिषदेतील VIDEO व्हायरल

यंदाच्या फिफा विश्वचषकाचे आयोजन अमेरिका, कॅनडा आणि मेक्सिको या तीन देशांतील १६ शहरांमध्ये संयुक्तपणे केले जात आहे. या विश्वचषकाचे सर्वात मोठे वैशिष्ट्य म्हणजे यात इतिहासात पहिल्यांदाच ४८ संघ सहभागी झाले आहेत. १९ जुलै रोजी होणाऱ्या या अंतिम सामन्याच्या समारोपासाठी फिफाकडून एका भव्य आणि रंगारंग कार्यक्रमाची तयारी केली जात असून, हा सोहळा अविस्मरणीय बनवण्याचा फिफाचा प्रयत्न आहे.   (Trump FIFA Trophy)