Maharashtra Politics : मोठी बातमी..! काँग्रेसने भाजपचा बडा नेता फोडला; राज्याच्या राजकारणात खळबळ
Maharashtra Politics : धामणगाव रेल्वे विधानसभा मतदारसंघात भारतीय जनता पक्षाला मोठा धक्का देत भाजपचे माजी जिल्हा परिषद बांधकाम सभापती रामदास निस्ताने यांनी काँग्रेसमध्ये जाहीर प्रवेश केला आहे.

Maharashtra Politics : दिवाळीनंतर अमरावती जिल्ह्याच्या राजकारणात मोठी घडामोड घडली आहे. धामणगाव रेल्वे विधानसभा मतदारसंघात भाजपला धक्का देत पक्षाचे माजी जिल्हा परिषद बांधकाम सभापती रामदास निस्ताने यांनी काँग्रेसमध्ये प्रवेश केला आहे. (Maharashtra Politics)
काँग्रेसचे प्रदेशाध्यक्ष हर्षवर्धन सपकाळ यांच्या उपस्थितीत हा पक्षप्रवेश पार पडला. विशेष म्हणजे, निस्ताने यांच्यासोबत बाजार समितीचे संचालक, विविध गावांतील सरपंच, ग्रामपंचायत सदस्य आणि शेकडो कार्यकर्त्यांनीही काँग्रेसचा हात धरला आहे. (Maharashtra Politics)
आमदार प्रताप अडसड यांच्या मतदारसंघात भाजपला धक्का
रामदास निस्ताने हे भाजपचे आमदार आणि अमरावती जिल्हाध्यक्ष प्रताप अडसड यांच्या धामणगाव रेल्वे मतदारसंघातील महत्त्वाचे माजी पदाधिकारी आहेत. त्यामुळे त्यांच्या काँग्रेस प्रवेशाला स्थानिक राजकारणात विशेष महत्त्व प्राप्त झाले आहे. (Maharashtra Politics)
निस्ताने यांच्या पक्षप्रवेशामुळे धामणगाव रेल्वे मतदारसंघातील राजकीय समीकरणांबाबत चर्चा सुरू झाली आहे. त्यांच्यासोबत अनेक स्थानिक पदाधिकारी आणि कार्यकर्ते काँग्रेसमध्ये गेल्याने भाजपसमोर संघटनात्मक आव्हान निर्माण झाल्याची चर्चा आहे. (Maharashtra Politics)
भाजपमध्ये जुन्या कार्यकर्त्यांना मान-सन्मान मिळत नसल्याचा आरोप
रामदास निस्ताने यांनी भाजप सोडण्यामागचे कारणही स्पष्ट केले आहे. भाजपमध्ये जुन्या कार्यकर्त्यांना योग्य मान-सन्मान मिळत नसल्याचा आरोप त्यांनी केला. जुन्या कार्यकर्त्यांची पक्षात विचारपूस होत नसल्याने आपण काँग्रेसमध्ये प्रवेश करण्याचा निर्णय घेतल्याचे त्यांनी सांगितले. (Maharashtra Politics)
अनेक महत्त्वाच्या जबाबदाऱ्या सांभाळल्या
रामदास निस्ताने यांनी यापूर्वी जिल्हा परिषद बांधकाम सभापती, धामणगाव रेल्वे कृषी उत्पन्न बाजार समितीचे सभापती आणि भाजप किसान आघाडीचे जिल्हाध्यक्ष अशा महत्त्वाच्या जबाबदाऱ्या सांभाळल्या आहेत. त्यामुळे त्यांच्या पक्षांतराकडे केवळ एका नेत्याचा पक्षप्रवेश म्हणून न पाहता स्थानिक राजकीय घडामोडींच्या दृष्टीने पाहिले जात आहे. (Maharashtra Politics)
आता रामदास निस्ताने यांच्या काँग्रेस प्रवेशाचा आगामी निवडणुकांमध्ये किती परिणाम होतो आणि धामणगाव रेल्वे मतदारसंघातील राजकीय समीकरणे कोणत्या दिशेने बदलतात, हे पाहणे महत्त्वाचे ठरणार आहे. भाजपच्या बालेकिल्ल्यात काँग्रेसने केलेल्या या राजकीय खेळीची सध्या अमरावती जिल्ह्यात चर्चा रंगली आहे. (Maharashtra Politics)
Maharashtra Politics : उद्धव ठाकरेंनी गेम फिरवला; ऑपरेशन टायगर 3.0 पूर्वीच एकनाथ शिंदेंना मोठा धक्का





