नवी दिल्ली : काँग्रेसच्या अध्यक्षपदासाठी आज मतदान सुरू आहे. या निवडणुकीच्या लढतीत पक्षाचे ज्येष्ठ नेते मल्लिकार्जुन खरगे आणि शशी थरूर आमने-सामने आहेत. 22 वर्षांनंतर होत असलेल्या या निवडणुकांचे निकाल 19 ऑक्टोबरला लागणार आहेत. पक्षप्रमुख निवडण्यासाठी 9,000 हून अधिक प्रदेश काँग्रेस कमिटी (PCC) प्रतिनिधी गुप्त मतपत्रिकेद्वारे आज मतदान करणार आहेत.

पक्षाच्या १३७ वर्षांच्या इतिहासात सहाव्यांदा एआयसीसी मुख्यालय आणि देशभरातील ६८ मतदान केंद्रांवर मतदान पार पडणार आहे. दरम्यान, काँग्रेसच्या हंगामी अध्यक्षा सोनिया गांधी आणि प्रियंका गांधी यांनी अध्यक्षपदाच्या निवडणुकीसाठी काँग्रेस मुख्यालयात मतदान केले. यावेळी सोनिया गांधी एका वाक्यात उत्तर दिले. म्हणाल्या, “मी या दिवसाची बऱ्याच दिवसांपासून वाट पाहत आहे.”

#WATCH | “I have been waiting for a long time for this thing,” says Congress interim president Sonia Gandhi on the party’s presidential election pic.twitter.com/9giL5DeOEX

— ANI (@ANI) October 17, 2022

राहुल गांधी यांनीही काँग्रेस अध्यक्षपदासाठी मतदान केले. ‘भारत जोडो यात्रा’ शिबिरात उभारलेल्या बूथवर त्यांनी मतदान केले.

#WATCH | Congress MP Rahul Gandhi casts his vote to elect the next party president at Bharat Jodo Yatra campsite in Ballari, Karnataka

(Source: AICC) pic.twitter.com/9Jit8vIpVo

— ANI (@ANI) October 17, 2022

काँग्रेस अध्यक्षपदाचे प्रबळ उमेदवार मानले जाणारे ज्येष्ठ नेते मल्लिकार्जुन खरगे यांनी बंगळुरूमध्ये मतदान केले. तर काँग्रेसचे अध्यक्षपदाचे उमेदवार शशी थरूर मतदानापूर्वी म्हणाले की, काँग्रेस पक्षाचे भवितव्य कार्यकर्त्यांच्या हातात आहे. खरगे यांच्याविषयी  थरूर म्हणाले, काँग्रेसच्या पुनरुज्जीवनाची ही वेळ आली आहे, तसेच “आज मी खरगे यांच्याशी बोललो आणि सांगितले की, काहीही झाले तरी आम्ही मित्र आणि मित्र राहू.

दरम्यान, या निवडणूक प्रक्रियेत माजी पंतप्रधान डॉ.मनमोहन सिंह, जयराम रमेश, पी.चिदंबरम यांच्यासह ज्येष्ठ नेत्यांनी सहभाग नोंदवला आहे.

Congress presidential elections | Congress MPs P Chidambaram, Jairam Ramesh and other party leaders cast their votes at the AICC office in Delhi. pic.twitter.com/IUMhCjKdst

— ANI (@ANI) October 17, 2022

या निवडणुकांचे निकाल 19 ऑक्टोबरला लागणार आहेत त्यामुळे त्याच दिवशी काँग्रेसचा गांधी घराण्याशिवाय दुसरा नेता पक्षाचा अध्यक्ष होणार हे पाहायला मिळणार आहे.