शिरूर: शिरूर शहरातील शाळा व कॉलेजमधील मुलामुलींना अश्लील वर्तन करण्याची मुभा देऊन त्यासाठी अवैध पार्टीशन टाकलेल्या द स्टीम रूम कॅफेवर शिरूर पोलिसांनी कारवाई केली आहे. पोलिसांनी साध्या वेशात ग्राहक म्हणून जाऊन या कॅपेवर छापा टाकला. या प्रकरणी कॅफे चालकावर गुन्हा दाखल करण्यात आला आहे.

शिरूर शहरातील अशा कॅफेमधून इमारत मालकांना मोठ्या प्रमाणात भाडे मिळत असल्यामुळे ते अशा कॅफेना आपले गाळे भाड्याने देत आहेत. त्यांना याबाबत माहिती असूनही भाड्यापोटी त्याकडे दुर्लक्ष करत आहे. अशा गाळेमालकांवरही पोलिसांनी गुन्हा दाखल करणे गरजेचे आहे.

याबाबत पोलिसांनी द स्टीम रूम कॅफेचे चालक ऋषिकेश रामदास ढवळे (वय २३ वर्षे रा.ढवळगाव,ता.श्रीगोंदा जि.अहिल्यानगर )याच्या विरुद्ध गुन्हा दाखल केला आहे. याबाबत शिरुर पोलीस स्टेशनचे पोलीस शिपाई रवींद्र आव्हाड ता. शिरुर जि. पुणे यांनी शिरुर पोलीस स्टेशन येथे फिर्याद दिली आहे.

याबाबत शिरूर पोलिसांनी माहिती दिली की, शिरुर शहरातील वेगवेगळ्या कॅफे चालकांनी त्यांच्या कॅफे हॉटेलमध्ये अवैध पार्टीशन केल्याने शाळा व कॉलेज मधील मुले मुली हे असभ्य व अश्लील वर्तन करत असल्याची माहिती पोलीस निरीक्षक संदेश केंजळे यांना मिळाली. त्यानंतर पोलीस शिपाई शिंदे, पोलीस हवालदार रवींद्र आव्हाड, महिला पोलीस शिपाई जाधव यांनी साध्या वेशात शहरातील द कॅफे स्टीम रूम येथे जाऊन नाष्टा ऑर्डर देऊन या मध्ये बसले असता त्यांना काही शालेय मुले मुली येऊन कॅफे चालकाने पार्टिशीयन केलेल्या रूममध्ये असभ्य व अश्लील कृत्य करताना दिसून आले.

याबाबत शिरुर पोलीस स्टेशनचे पोलीस शिपाई रवींद्र आव्हाड रा. शिरुर ता. शिरुर जि. पुणे यांनी शिरुर पोलीस स्टेशन येथे फिर्याद दिली असल्याने शिरुर पोलिसांनी कॅफे चालक ऋषिकेश रामदास ढवळे (वय २३ वर्षे रा.ढवळगाव ता. श्रीगोंदा जि. अहिल्यानगर ) याच्या विरुद्ध गुन्हा दाखल करण्यात आला आहे. या प्रकरणाचा पुढील तपास पोलीस निरीक्षक संदेश केंजळे यांच्या मार्गदर्शनाखाली पोलिस हवालदार साबळे हे करत आहे.