CNG Price Hike : सर्वसामान्यांसाठी पुन्हा एकदा महागाईचा झटका बसला आहे. पुण्यात सीएनजीच्या दरात पुन्हा वाढ करण्यात आली असून, सोमवारी मध्यरात्रीपासून प्रति किलो 1 रुपयांची दरवाढ लागू होणार आहे. त्यामुळे वाहनचालकांना आता सीएनजीसाठी अधिक पैसे मोजावे लागणार आहेत. (CNG Price Hike)

नवीन दरानुसार, पुण्यात सीएनजीचा दर 94.75 रुपयांवरून 95.75 रुपये प्रति किलो इतका झाला आहे. यापूर्वीही काही दिवसांपूर्वी सीएनजीच्या दरात 2.50 रुपयांची वाढ करण्यात आली होती. त्यानंतर आता पुन्हा झालेल्या दरवाढीमुळे वाहनधारकांच्या खर्चात आणखी भर पडणार आहे. (CNG Price Hike)

महागाईचा फटका कायम

पश्चिम आशियातील तणावामुळे जागतिक बाजारात कच्च्या तेलाच्या किमतींमध्ये चढ-उतार होत आहेत. त्याचा परिणाम इंधनाच्या दरांवरही होत असल्याचे दिसून येत आहे. त्यामुळे सीएनजीच्या वाढत्या किमतींमुळे सर्वसामान्यांच्या खिशावरील भार आणखी वाढला आहे. (CNG Price Hike)

पेट्रोल-डिझेलच्या दरांबाबत चर्चा

दरम्यान, अमेरिका, इस्रायल आणि इराण यांच्यातील तणाव कमी झाल्यानंतर जागतिक ऊर्जा बाजारात काहीसा दिलासा मिळण्याची शक्यता व्यक्त केली जात आहे. त्यामुळे आगामी काळात कच्च्या तेलाच्या किमती स्थिर राहिल्यास पेट्रोल-डिझेलच्या दरातही घट होण्याची शक्यता वर्तवली जात आहे. मात्र, याबाबत अद्याप कोणतीही अधिकृत घोषणा करण्यात आलेली नाही. (CNG Price Hike)

पुण्यातील सीएनजीच्या नव्या दरवाढीमुळे विशेषतः रिक्षाचालक, कॅब चालक आणि सीएनजीवर चालणाऱ्या खासगी वाहनधारकांच्या खर्चात वाढ होणार असून, त्याचा परिणाम सर्वसामान्यांच्या दैनंदिन प्रवासावरही होण्याची शक्यता आहे. (CNG Price Hike)