Devendra Fadnavis : गणेशोत्सवाच्या काळात भाविकांची होणारी गर्दी लक्षात घेऊन, आरक्षण आंदोलक मनोज जरांगे यांनी मुंबईत होणारे आपले आंदोलन मागे घ्यावे किंवा त्यावर पुनर्विचार करावा, असे आवाहन महाराष्ट्राचे मुख्यमंत्री देवेंद्र फडणवीस यांनी सोमवारी केले. (Devendra Fadnavis)

गणेशोत्सवामुळे मुंबईतील विविध मंडळांच्या पंडालमध्ये मोठी गर्दी होत असते, त्यामुळे या काळात आंदोलन करणे योग्य ठरणार नाही, असे फडणवीस यांनी पत्रकारांशी बोलताना स्पष्ट केले. (Devendra Fadnavis)

जरांगे यांच्या जवळपास सर्व मागण्या मान्य करण्यात आल्या आहेत. काही मागण्या न्यायालयीन प्रक्रियेत असून, संविधानाच्या चौकटीत राहूनच राज्य सरकार यावर निर्णय घेऊ शकते, असे मुख्यमंत्र्यांनी स्पष्ट केले. तसेच सरकारने कधीही संवादाचा मार्ग बंद केला नसल्याचे ते म्हणाले. (Devendra Fadnavis)

दरम्यान, गणेशोत्सवादरम्यान कायदा व सुव्यवस्था राखण्यासाठी आणि भाविकांची गैरसोय टाळण्यासाठी पोलिसांनी आझाद मैदानावर उपोषणास परवानगी दिलेली नाही. गणेशोत्सवाचा आनंद आणि कायदा-सुव्यवस्था सुरळीत राहावी, यासाठी आंदोलकांनी सहकार्य करावे, अशी विनंती प्रशासनाकडून करण्यात येत आहे. (Devendra Fadnavis)

Devendra Fadnavis : हिवाळी अधिवेशनात यूसीसी विधेयक मांडणार; मुख्यमंत्री फडणवीसांनी दिली माहिती

Manoj Jarange : पाणी, सलाईनही आजपासून बंद; मृत्यू स्वीकारेन, पण माघार घेणार नाही : मनोज जरांगे