Sushma Andhare : कडवट शिवसैनिक म्हणून ज्यांची ओळख होती तसेच उद्धव ठाकरे यांचे कट्टर समर्थक म्हणून ज्यांच्याकडे पाहिले जात होते.  ठाण्यातील विभागप्रमुख प्रदीप पूर्णेकर यांची गोळ्या झाडून आणि कोयत्याने वार करून अत्यंत निर्घूनपणे हत्या करण्यात आली.

या हत्या प्रकरणावरुन आरोप प्रत्यारोपाने राजकारण चांगलेच तापले आहे. या प्रकरणात दोन आरोपींना पोलिसांनी अटक केल्यानंतर दोन फरार आरोपींचा शोध पोलिसांकडून घेतला जात आहे. त्यामुळे कटाचा सूत्राधार कोण याचा उलघडा लवकरच होणार असून याकडे अनेकांचे लक्ष लागले आहे. पूर्णेकर प्रकरणात क्लस्टर प्रकल्पाच्या मुद्याची चर्चा होत आहे. त्यामुळे त्यांना संपवण्यामागची पार्श्वभूमीचा सखोल तपास पोलिसांकडून सुरू आहे.

नुकतीच उद्धव ठाकरे यांनी पूर्णेकर कुटुंबीयांची सांत्वनपर भेट घेतली. यानंतर उबाठा गटाच्या आक्रमक महिला नेत्या सुषमा अंधारे यांनी पूर्णेकर कुटुबांची भेट घेतली असून पत्रकार परिषद त्यांनी खळबळजनक आरोप केला आहे.

पत्रकार परिषदेत सुषमा अंधारे यांनी प्रदीप पूर्णेकर प्रकरणावर भाष्य केले. त्या म्हणाल्या “पूर्णेकर यांनी मीनाक्षी शिंदे यांच्या घोटाळ्याविरोधात आवाज उचलला होता. पूर्णेकर प्रकरणात क्लस्टरचा मुद्दा होता. मिनाक्षी शिंदे, राजा शिंदे, टल्ल्या हे सगळे पवारनगर इथे भेटले होते. या लोकांच्या संदर्भात काय ती माहिती पोलिसांनी घेतली पाहिजे. पाच कोटींचा व्यवहार झाला आहे, अशी माहिती आम्हाला मिळाली. पंधरा दिवसापासून रेकी सुरू होती. हॉटेल महाराजाचे सीसीटीव्ही फुटेज काढा, असे अंधारेंनी म्हटले आहे. अंधारेंच्या या खळबळजनक आरोपांमुळे या प्रकरणाला नवे वळण मिळण्याची शक्यता वर्तवली जात आहे.

मिनाक्षी शिंदे वेड पांघरुण पेड गावला जात आहेत : सुषमा अंधारे

सुषमा अंधारे म्हणाल्या, “प्रदीप पुर्णेकर यांच्या कुटुंबीयांसोबत आमच्या संवेदना आहे. कडवट शिवसैनिक पुर्णेकर कुटुंबीयांसोबत ठामपणे उभा आहे. हे नुकसान शिवसेना उद्धव बाळासाहेब ठाकरे पक्षाचे नुकसान आहे. तसेच रामने पहिल्या दिवशी जबाबामध्ये मीनाक्षी शिंदे यांचे नाव स्पष्टपणे घेतले आहे. मिनाक्षी शिंदे वेड पांघरुण पेड गावला जात आहेत.” अशा शब्दांत अंधारेंनी मिनाक्षी शिंदेंवर निशाणा साधला.

Sharad Pawar: जिरायती भाग शंभर टक्के बागायत करता आला नाही, याची खंत : शरद पवार