Clicky Ponting Saltburn Cricket Club Brian Devine Snapping Fingers Edge Sound Controversy : क्रिकेटच्या मैदानात फलंदाजांची चलाखी आणि गोलंदाजांची चतुर अपील नेहमीच पाहायला मिळते, परंतु इंग्लंडच्या क्लब क्रिकेटमधून एक अत्यंत अनोखा आणि धक्कादायक प्रकार समोर आला आहे. फलंदाजाच्या बॅटला चेंडू लागल्याचा भास (Edge Sound) निर्माण करण्यासाठी एका खेळाडूने चक्क चुटकी वाजवून आवाज काढल्याचा गंभीर आरोप झाला आहे. या प्रकारामुळे अंपायरला चकवून फलंदाजाला बाद देण्यात आले. सध्या हे प्रकरण सोशल मीडियावर तुफान व्हायरल झाले असून संबंधित खेळाडूला नेटिझन्स ‘क्लिकी पॉन्टिंग’ (Clicky Ponting) या नावाने ट्रोल करत आहेत.

डीआरएस नसल्याचा गैरफायदा!

हा वाद २५ जुलै २०२६ रोजी पार पडलेल्या इंग्लंडच्या ‘नॉर्थ यॉर्कशायर अँड साउथ डरहम क्रिकेट लीग’च्या (NYSD) डिव्हिजन-२ सामन्यादरम्यान घडला. सॉल्टबर्न क्रिकेट क्लबचा खेळाडू ब्रायन डिव्हाईन (Brian Devine) याने चेंडू बॅटजवळून जात असताना चुटकी वाजवली. त्याच क्षणी यष्टीरक्षकाने कॅच टिपला. स्थानिक लीगमध्ये डीआरएस (DRS) किंवा स्निकोमीटर नसल्यामुळे अंपायरने आवाजाच्या आधारे फलंदाजाला बाद दिले.

@Saltburncc First slip clicks his fingers to imitate an edge, bat nowhere near it and given out.
This is about the worst case of cheating I’ve ever seen in cricket.
Apparently, their keeper has a huge amount of catches this season.@talkSPORT @bbctms @SkyCricket @TailendersPod pic.twitter.com/iM7lZfKF5q

— Ben Mummery (@ben_mummery) July 27, 2026

‘क्लिकी पॉन्टिंग’ ट्रेंड अन् ३१ कॅचचा संशय!

Boro 2s skippa here, was 2 more incidents during this game, leading to a 15 and 16 year old being cheated out of an innings, along with this one. I was at the non strikers end at the time unknowingly watching them cheat in real time. We lost this game by 29 runs. Shocking. pic.twitter.com/BTTngKbjw3

— rory99 (@rorycotters9) July 27, 2026

ऑस्ट्रेलियाचे महान कर्णधार रिकी पॉन्टिंग यांच्या नावावरून युजर्सनी ब्रायनला ‘क्लिकी पॉन्टिंग’ असे नाव देत मीम्सचा पाऊस पाडला आहे. विरोधी नॉर्टन संघाचा खेळाडू नोमान शब्बीरने आरोप केला आहे की, ही ट्रीक संपूर्ण मोसमात अनेकदा वापरली गेली. या वादानंतर सॉल्टबर्नचा यष्टीरक्षक जोश बोव्ह्सचे आकडे संशयाच्या भोवऱ्यात आले आहेत; त्याने गेल्या ८ सामन्यांत तब्बल ३१ कॅच घेतले असून एकाच डावात ८ कॅच टिपल्याचा विक्रम नोंदवला आहे. आंतरराष्ट्रीय कसोटी क्रिकेटमध्ये एका डावात सर्वाधिक ७ शिकार करण्याचा विक्रम आहे.

हेही वाचा – Shubman Gill No 1 : आयसीसी क्रमवारीत शुबमन गिलचा दबदबा! बनला जगातील नंबर-१ फलंदाज

लीग प्रशासनाने या संपूर्ण प्रकरणाची अधिकृत चौकशी सुरू केली असून, सॉल्टबर्न क्लबने आपल्या वेबसाईटवरून अनेक सामन्यांचे लाईव्ह स्ट्रीम व्हिडिओ हटवले आहेत.