नवी दिल्ली – चिनी लष्करासोबत निर्माण झालेल्या तणावाला हिंसक वळण लागले असून संघर्षात भारतीय लष्कराचा एक अधिकारी आणि 20 जवान शहीद झाले आहेत. मात्र, चीनने उलट्या बोंबा मारण्यास सुरुवात केली असून दोन्ही देशातील सीमा भारतीय जवानांनी ओलांडल्याचा कांगावा केला आहे. तर चिनी सैनिकांना मारहाण केल्याने ही परिस्थिती उद्‌भवल्याचा दावा चीन परराष्ट्र मंत्रालयाचे प्रवक्‍ते झाओ लिजीन यांनी केला आहे.

झाओ लिजीन म्हणाले कि, सीमेवरील तणाव कमी करण्याचे एकमत झाले होते. मात्र, भारतीय जवानांनी सोमवारी दोनदा सीमा ओलांडली. चिनी सैनिकांना मारहाण केली. त्यांची ही कृती प्रक्षोभक होती. त्यामुळे दोन्ही सैन्यांमध्ये हाणामारी झाली. मात्र, चीनच्या सैनिकांच्या जीवितहानीबाबत त्यांनी कोणतेही भाष्य केले नाही.

We ask India to strictly discipline its frontline troops, stop infringing and provocative activity at once, work with China and come back to the right track of resolving the differences through dialogue & talk: Zhao Lijian, Chinese Foreign Ministry Spokesperson https://t.co/TaUqOvifiA pic.twitter.com/4ZXYCiqAH5

— ANI (@ANI) June 17, 2020

तसेच,  गलवान घाटीवर नेहमीचा आमचा अधिकार राहिला आहे. यामुळे भारताने आपले सैन्य ताब्यात ठेवावे. आपल्या सैनिकांवर नियंत्रण ठेवावे. सीमारेषा पार करु नये. कुठलीही समस्या निर्माण करु नये आणि एकतर्फी पाऊल उचलू नये, यामुळे मुद्दा आणखी चिघळेल, असेही झाओ यांनी म्हंटले आहे. तर, दोन्ही देशांचे संवाद आणि चर्चेद्वारे या मुद्द्यावर तोडगा काढण्यावर एकमत झाले आहे, असेही त्यांनी सांगितले.

From the Chinese side, we do not wish to see more clashes: Zhao Lijian, Chinese Foreign Ministry Spokesperson on #GalwanValley clash pic.twitter.com/SEQWGUvg6W

— ANI (@ANI) June 17, 2020

दरम्यान, विभागातील “जैसे थे’ स्थिती बदलण्याच्या एकतर्फी हालचाली चीनने केल्यामुळे संघर्ष झाल्याचे भारताने स्पष्ट केले. भारताची रास्त बाजू मांडणारी प्रतिक्रिया परराष्ट्र मंत्रालयाचे प्रवक्‍ते अनुराग श्रीवास्तव यांनी दिली. भारत आणि चीनमध्ये काही दिवसांपूर्वी उच्चस्तरीय बैठक झाली. त्या बैठकीत झालेल्या सहमतीचे पालन चीनने केले असते तर दोन्ही बाजूंची झालेली जीवितहानी टाळली जाऊ शकली असती. भारताची भूमिका नेहमीच सीमेचा आदर करण्याची राहिली आहे. चीनने त्यात हस्तक्षेप केल्याने संघर्ष उभा राहिला, असे अनुराग श्रीवास्तव यांनी सांगितले आहे.