Devoleena Bhattacharjee | अभिनेत्री देवोलीना भट्टाचार्जीला ‘गोपी बहू’ या मालिकेमुळे मोठी लोकप्रियता मिळाली. ७ महिन्यांपूर्वी ती आई झाली आणि ती तिच्या मुलाबरोबर वेळ घालवत आहे. अलीकडेच तिने चिमुकल्या लेकासोबतचे फोटो सोशल मीडियावर शेअर केले होते. ट्रोलर्सनी देवोलीनाच्या मुलाच्या रंगाबद्दल घाणेरड्या कमेंट्स केल्या होत्या. त्यानतर आता देवोलीनाने ऍक्शन घेतली आहे. संतापलेल्या देवोलीनाने या ट्रोलर्सची सायबर क्राइमला तक्रार केली आहे. तिने ट्रोलर्सनी केलेल्या कमेंट्सचे स्क्रीनशॉट स्टोरीवर पोस्ट केले आहेत. देवोलीना भट्टाचार्जीने सायबर क्राइम इंडियाच्या अधिकृत अकाउंटवर झालेल्या संभाषणाचा स्क्रीनशॉट पोस्ट केला आहे. यात तिने वाईट कमेंट्स करणाऱ्यांविरोधात अधिकाऱ्यांची मदत मागितली आहे. देवोलीना म्हणाल्या, “एक सेलिब्रिटी म्हणून मी माझ्या कामाबद्दल किंवा जीवनशैलीबद्दल ट्रोलिंग मान्य करते. माझ्या लग्नावरही लोकांनी प्रश्न उपस्थित केले, पण मी शांत राहिले कारण तो माझा निर्णय होता. माझ्या निरागस मुलाविरुद्ध असा द्वेष मी सहन करू शकत नाही. काही लोक माझ्या मुलाला लक्ष्य करत आहेत आणि वंशवादी टिप्पण्या करत आहेत, जो एक गुन्हा आहे. मला खात्री आहे की माझा मुलगा मोठा झाल्यावर अशा परिस्थितीचा धैर्याने सामना करेल, कारण तो माझा मुलगा आहे.” सायबर क्राइम टीमचे मानले आभार “मला विश्वास आहे की आपण सर्वजण रोजच्या आयुष्यात चुकीच्या मानसिकतेविरुद्ध आणि भेदभावाविरुद्ध उभे राहू शकतो. वंशभेद आणि अपमानजनक बोलणाऱ्यांना सहन करू नये, त्यांच्याविरुद्ध कारवाई करण्यास संकोच करू नये. मी आता कायदेशीर मार्ग अवलंबला आहे आणि ट्रोलर्सना शिक्षा मिळवून देईन. मला वाटतं की भविष्यात कोणत्याही आई-वडिलांना आणि मुलांना अशी परिस्थिती सहन करावी लागू नये. मी सायबर क्राइम टीमची आभारी आहे, जी या प्रकरणाला गांभीर्याने घेत माझी मदत करत आहे,” असे म्हणत तिने सायबर क्राइम टीमचे आभार मानले आहेत. Devoleena Bhattacharjee | दरम्यान, देवोलीनाच्या सात महिन्यांच्या मुलाच्या रंगावरून काही नेटकऱ्यांनी हिणवणारे कमेंट्स केले होते. ‘किती काळा दिसतो हा’, ‘छोटा आतंकवादी’ असे कमेंट्स नेटकऱ्यांनी केले होते. ट्रोलर्सचे प्रोफाइल शेअर करून तिने त्यांचा पर्दाफाश केला होता. देवोलीनाने भट्टाचार्जीने डिसेंबर २०२२ मध्ये जिम ट्रेनर शानवाज शेख याच्याशी लग्न केलं. या जोडप्याने लग्नानंतर दोन वर्षांनी डिसेंबर २०२४ मध्ये पहिल्या बाळाचं स्वागत केलं, ज्याचे नाव जॉय आहे. हेही वाचा : “सभागृह कोण चालवतंय, तुम्ही की अमित शहा?” मल्लिकार्जुन खरगे यांची राज्यसभेच्या अध्यक्षांवर टीका
