नवी दिल्ली : आयएनएक्स मीडिया प्रकरणी कॉंग्रेस नेते आणि माजी केंद्रीय गृहमंत्री पी चिदंबरम यांना हाय व्होल्टेज ड्राम्यानंतर अटक करण्यात आली आहे. सीबीआयने चिदंबरम यांना दिल्लीमधील जोरबाग येथील त्यांच्या निवासस्थानावरुन अटक केली. पी चिदंबरम यांना अटक करण्यासाठी गेल्या दोन दिवसांपासून प्रयत्न सुरु होते. मात्र पी चिदंबरम बेपत्ता होते. अखेर 27 तासांनंतर पी चिदंबरम यांना त्यांच्या निवासस्थानातून अटक करण्यात आली. या सर्वात चिदंबरम यांना अटक करून ज्या सीबीआयच्या ज्या इमारतीत आणण्यात आले आहे त्या इमारतीच्या उद्घाटनादरम्यान चिदंबरम हे मुख्य अतिथी म्हणून उपस्थित होते. सीबीआयच्या या नव्या इमारतीचे उद्घाटन 2011 मध्ये करण्यात आले होते. त्यामुळे ही एक दुर्दैवाची गोष्ट असल्याचे म्हटले जात आहे.
#WATCH ANI file footage: The then Union Home Minister, P Chidambaram at the inauguration of the new Central Bureau of Investigation (CBI) headquarters in Delhi on June 30, 2011. Chidambaram was arrested by CBI yesterday and brought to this complex. pic.twitter.com/ikuxIzaSyF
— ANI (@ANI) August 22, 2019
2011 मध्ये चिदंबरम यांच्या खांद्यावर गृहमंत्रीपदाची धुरा होती. सीबीआयच्या मुख्य कार्यालयाचे उद्घाटन तत्कालिन पंतप्रधान डॉ. मनमोहन सिंग यांच्या हस्ते करण्यात आले होते. तसेच यावेळी या कार्यक्रमात चिदंबरम यांच्याव्यतिरिक्त कपिल सिब्बल, विरप्पा मोईली, मल्लिकार्जुन खरगे यांच्यासह अनेक नेते उपस्थित होते. त्याच उद्घघाटन इमारतीत चिदम्बरम यांना अटक करून आणणे हे त्यांच्यासाठी खुप मोठी दुर्दैवाची गोष्ट असल्याचे म्हटले जात आहे. दरम्यान. मंगळवारपासून सीबीआय आणि ईडी चिदंबरम यांचा शोध घेत होती. परंतु ते बेपत्ता झाले होते. बुधवारी रात्री 8 वाचता अचानक ते कॉंग्रेसच्या कार्यालयात पोहोचले. त्या ठिकाणी त्यांनी आपली बाजू मांडली आणि आपल्या निवासस्थानी रवाना झाले. त्या पाठलाग करत सीबीआयची टीम कॉंग्रेसच्या मुख्यालयात पोहोचली होती. परंतु त्यावेळी ते आपल्या निवासस्थानी रवाना झाले होते. त्यानंतर त्यांना त्यांच्या निवासस्थानाहून अटक करण्यात आली.