High Court Of Chhattisgarh : छत्तीसगड उच्च न्यायालयाने (High Court Of Chhattisgarh) एका बँकेला निर्देश दिले आहेत की, त्यांनी मृत कर्मचाऱ्यांच्या दोन विवाहित मुलींना अनुकंपा तत्त्वावर नोकरी द्यावी. बँकेच्या योजनेत विवाहित मुलगा आणि मुलगी यांच्यात कोणताही भेदभाव केला जात नसताना, केवळ वैवाहिक स्थितीमुळे मुलींना अपात्र ठरवणे योग्य नाही, असे न्यायालयाने निरीक्षण नोंदवले.

केवळ वैवाहिक स्थितीच्या आधारावर मुलींचे दावे फेटाळणे हे मनमानीपूर्ण, भेदभावपूर्ण आणि कायद्याच्या (High Court Of Chhattisgarh) दृष्टीने टिकण्यासारखे नाही, असे मुख्य न्या. रमेश सिन्हा आणि न्या. रवींद्र कुमार अग्रवाल यांच्या खंडपीठाने दिलेल्या आदेशात म्हटले आहे.

जर विवाहित असल्यामुळे मुलाला कुटुंबातील अवलंबून असलेला सदस्य मानण्यापासून अपात्र ठरवले जात नसेल, तर मुलीच्या बाबतीतही हेच तत्त्व लागू व्हायला हवे, असे उच्च न्यायालयाने नमूद केले. त्याच योजनेअंतर्गत विवाहित मुलांना हा लाभ दिला जात असताना, केवळ वैवाहिक स्थितीमुळे विवाहित मुलींना अनुकंपा तत्त्वावरील नोकरी नाकारणे हे मनमानीपूर्ण, भेदभावपूर्ण आणि राज्यघटनेच्या कलम १४ व १५ चे उल्लंघन करणारे आहे.

उच्च न्यायालयाच्या (High Court Of Chhattisgarh) एकल खंडपीठाच्या आदेशाला आव्हान देणाऱ्या बिलासपूर येथील शीना डेव्हिड (वय ३३) आणि रायपूर येथील अंकिता मिश्रा (वय ३२) यांनी दाखल केलेल्या दोन स्वतंत्र अपीलांना न्यायालयाने मंजुरी दिली.