Best Electric Cars Launched In 2024: भारतात इलेक्ट्रिक गाड्यांची लोकप्रियता वाढली आहे. ग्राहकांकडून देखील चारचाकी इलेक्ट्रिक गाडी खरेदी करण्याला प्राधान्य दिले जात आहे. ग्राहकांची मागणी पाहता कंपन्यांनी देखील 2024 मध्ये एकापेक्षा एक शानदार इलेक्ट्रिक व्हीकल भारतात लाँच केल्या आहेत. 2024 मध्ये लाँच झालेल्या अशाच काही शानदार इलेक्ट्रिक कार्सविषयी जाणून घेऊयात.

Tata Punch EV आणि Tata Curvv EV

टाटा पंच ईव्हीची किंमत 10 लाख ते 14.29 लाख रुपये आहे. तर Curvv EV ला तुम्ही 17.50 लाख रुपये ते 22 लाख रुपयांपर्यंत खरेदी करू शकता. पंच ईव्ही 25 kWh आणि 35 kWh या दोन बॅटरी पॅकसह येते. या बॅटरी पॅकसह एकदा चार्ज केल्यावर गाडी 300 किमीपेक्षा अधिक धावते. तर Curvv EV ही 45 kWh आणि 55 kWh बॅटरी पॅकसह येते. ही कार देखील फुल चार्जमध्ये 400 ते 500 किमी अंतर पार करू शकते.

Mahindra XEV 9e आणि BE 6

Mahindra XEV 9e ची किंमत 21.90 लाख रुपये आणि BE 6 ची किंमत 18.90 लाख रुपये आहे. या दोन्ही इलेक्ट्रिक एसयूव्हीमध्ये 59 kWh आणि 79 kWh बॅटरी पॅक देण्यात आला आहे. सिंग चार्जमध्ये XEV 9e ही 656 किमीपर्यंत आणि BE 6 कार 500 किमी अंतर पार करू शकते.

MG Windsor EV

एमजीच्या या कारची किंमत 10 लाख रुपये ते 15.50 लाख रुपयांपर्यंत आहे. यामध्ये 38 kWh बॅटरी पॅक देण्यात आला असून, कार सिंगल चार्जमध्ये 332 किमी धावते. याशिवाय, कारमध्ये अनेक शानदार फीचर्स देखील देण्यात आले आहेत.

BYD eMAX 7 आणि BYD Seal EV

BYD eMAX 7 ची किंमत 26.90 ते 29.90 लाख रुपयांपर्यंत आहे. तर BYD Seal EV ला 41 ते 53 लाख रुपयांपर्यंत खरेदी करता येईल. BYD eMAX 7 मध्ये 55.4 kWh आणि 71.8 kWh बॅटरी पॅकचा पर्याय देण्यात आला आहे. कंपनीनुसार, सिंगल चार्जमध्ये कार 530 किमीपर्यंत अंतर पूर्ण करू शकते. तसेच, BYD Seal EV या प्रीमियम इलेक्ट्रिक सेडानमध्ये 82.5 kWh बॅटरी देण्यात आली असून, सिंगल चार्जमध्ये कार 580 किमी अंतर धावते.

Kia EV9

Kia ने आपल्या फ्लॅगशिप कारला तब्बल 1.3 कोटी रुपयांमध्ये लाँच केले आहे. ही एक तीन-रो सीटसह येणारी एसयूव्ही आहे. यामध्ये 99.8 kWh बॅटरी देण्यात असून, सिंगल चार्जमध्ये 561 किमीपर्यंतची रेंज मिळते.