MG Windsor EV Price: ब्रिटिश ऑटो ब्रँड MG ने ग्राहकांना मोठा झटका दिला आहे. कंपनीने लोकप्रिय इलेक्ट्रिक कार Windsor EV च्या किंमतीत मोठी वाढ केली आहे. एमजी विंडसर ईव्ही खरेदी करण्यासाठी आता ग्राहकांना 50 हजार रुपये अतिरिक्त खर्च करावे लागणार आहेत. गाडीच्या सर्व व्हेरिएंटच्या किंमतीत वाढ करण्यात आली आहे. त्यामुळे आता MG Windsor EV ची किंमत 14 लाख ते 16 लाख रुपये (एक्स-शोरूम) झाली आहे.

इलेक्ट्रिक कार MG Windsor EV चे स्पेसिफिकेशन्स

MG Windsor EV मध्ये 38kWh चा बॅटरी पॅक देण्यात आला असून, सोबत सिंगल इलेक्ट्रिक मोटर दिली आहे. ही मोटर 134bhp पॉवर आणि 200Nm टॉर्क जनरेट करते. कंपनीचा दावा आहे की, कारला एकदा चार्ज केल्यावर 331 किमी अंतर पार करू शकते. कंपनीने Battery as a Service (BaaS) प्लॅन देखील सादर केला आहे. याद्वारे ग्राहक बॅटरी खरेदी करण्याऐवजी सबस्क्रिप्शनच्या माध्यमातून याचा वापर करू शकतात.

ही कार आकर्षक डिझाइनसह येते. तसेच, यात अनेक सेफ्टी फीचर्स देखील देण्यात आले आहेत. यामध्ये सिग्नेचर काउल आणि एलईडी हेडलॅम्प, कनेक्टिंग एलईडी लाइटिंग बार, कनेक्टेड टेललँप्स, पॉप-अप डोर हँडल्स, फ्लोटिंग रूफलाइन, 18 इंच क्रोम एलॉय व्हीलसह अनेक फीचर्स मिळतील.

यामध्ये 15.6 इंच इन्फोटेनमेंट टचस्क्रीन देण्यात आली असून, यामध्ये म्यूझिक, एसी, लाइट्स कंट्रोल फंक्शन मिळतात. ही कार Excite, Exclusiveआणि Essence या 3 व्हेरिएंट्समध्ये उपलब्ध आहे. तसेच, एमजीच्या इलेक्ट्रिक कारला तुम्ही क्ले बेज, पर्ल व्हाइट स्टारबर्स्ट ब्लॅक, टरक्वॉइज ग्रीन या रंगात खरेदी करू शकता.