Chandrashekhar Bawankule : मोठी घडामोड..! चंद्रशेखर बावनकुळे मुख्यमंत्री होणार? खासदाराच्या दाव्याने चर्चाना उधाण
Chandrashekhar Bawankule : राज्यातील संभाव्य नेतृत्वबदलाच्या आणि आगामी मुख्यमंत्रीपदाच्या चर्चांना पुन्हा एकदा जोरदार उधाण आले आहे.
Chandrashekhar Bawankule : राज्यातील संभाव्य नेतृत्वबदलाच्या चर्चांना पुन्हा एकदा उधाण आले असून, शिवसेना (उद्धव बाळासाहेब ठाकरे) पक्षाचे खासदार संजय राऊत यांनी मुख्यमंत्रीपदाबाबत मोठा दावा केला आहे. देवेंद्र फडणवीस यांची भविष्यात केंद्रात नियुक्ती झाल्यास चंद्रशेखर बावनकुळे हे महाराष्ट्राचे मुख्यमंत्री होऊ शकतात, असे आपले राजकीय आकलन असल्याचे राऊत यांनी म्हटले. (Chandrashekhar Bawankule)
राऊत म्हणाले की, देवेंद्र फडणवीस दिल्लीच्या राजकारणात गेल्यास मुख्यमंत्रीपदासाठी चंद्रशेखर बावनकुळे यांच्या नावाचा गंभीरपणे विचार होऊ शकतो. ते सर्वांशी संवाद साधणारे आणि सर्वांना सोबत घेऊन चालणारे नेते असल्याचे त्यांनी सांगितले. (Chandrashekhar Bawankule)
याचवेळी त्यांनी एकनाथ शिंदे पुन्हा मुख्यमंत्री होणार नाहीत, असा दावाही केला. तसेच मुख्यमंत्रीपदाच्या चर्चेत गिरीश महाजन यांच्या नावावर भाष्य करत त्यांचा ट्रॅक रेकॉर्ड चांगला नसल्याचे मत व्यक्त केले. (Chandrashekhar Bawankule)
दरम्यान, राऊत यांनी सिद्धिविनायक मंदिराच्या निधीच्या वापराबाबतही सत्ताधाऱ्यांवर आरोप केले. उद्धव ठाकरे सरकारच्या काळात सामाजिक कामांसाठी निधीचा योग्य वापर झाला, मात्र सत्तांतरानंतर काही निर्णय राजकीय हेतूने घेतल्याचा आरोप त्यांनी केला. (Chandrashekhar Bawankule)
Sanjay Raut
तसेच अयोध्या राम मंदिराशी संबंधित कथित आर्थिक गैरव्यवहाराच्या मुद्द्यावरून शिवसेनेच्या ‘रामरक्षा आंदोलनाच्या’ दुसऱ्या टप्प्याची घोषणा करण्यात आली. हे आंदोलन १८ जुलै रोजी नागपूरमध्ये होणार असून, पक्षप्रमुख उद्धव ठाकरे, आदित्य ठाकरे आणि पक्षाचे पदाधिकारी यात सहभागी होणार असल्याचे राऊत यांनी सांगितले. (Chandrashekhar Bawankule)
