Chandrababu Naidu CM Oath Ceremony। तेलुगू देसम पक्षाचे (टीडीपी) सुप्रीमो चंद्राबाबू नायडू यांनी आज (बुधवारी) चौथ्यांदा आंध्र प्रदेशच्या मुख्यमंत्रीपदाची शपथ घेतली. त्यांच्यानंतर जनसेना प्रमुख आणि अभिनेते पवन कल्याण यांनी उपमुख्यमंत्रीपदाची शपथ घेतली. विजयवाडा येथील केसरपल्ली आयटी पार्कमध्ये शपथविधी सोहळा होत आहे.

तेलुगू देसम पक्षाचे (टीडीपी) प्रमुख एन चंद्राबाबू नायडू यांनी चौथ्यांदा आंध्रच्या मुख्यमंत्रीपदाची शपथ घेतली. राज्यपाल एस अब्दुल नजीर यांनी विजयवाडा येथे आयोजित एका भव्य समारंभात त्यांना पद आणि गोपनीयतेची शपथ दिली.

पंतप्रधान नरेंद्र मोदी, गृहमंत्री अमित शहा, भाजप अध्यक्ष जेपी नड्डा, नितीन गडकरी, एनडीए शासित राज्यांचे मुख्यमंत्री आणि अनेक केंद्रीय मंत्री शपथविधी सोहळ्याला उपस्थित होते.

नवीन सरकारमध्ये मुख्यमंत्री आणि उपमुख्यमंत्र्यांसह 25 सदस्य असतील. टीडीपीचे 20, पवन कल्याणसह जनसेनेचे 3 आणि भाजपचे एक मंत्री उपस्थित राहणार आहेत. एक पद रिक्त ठेवण्यात आले आहे. चंद्राबाबू यांची संपत्तीचा विचार करता त्यांचा समावेश श्रीमंत नेत्यांमध्ये केला जातो.

नायडू चौथ्यांदा मुख्यमंत्री
पंतप्रधान नरेंद्र मोदी, केंद्रीय गृहमंत्री अमित शाह आणि केंद्रीय मंत्री जेपी नड्डा आणि बंदी संजय कुमार यांच्यासह अनेक नेत्यांनी आंध्रमध्ये शपथविधी सोहळ्याला हजेरी लावली. याआधी मंगळवारी टीडीपी आणि एनडीएच्या आमदारांनी नायडू यांची नेता म्हणून निवड केली.

यानंतर एनडीए नेत्यांच्या विनंतीनंतर राज्यपाल एस अब्दुल नजीर यांनी मंगळवारी नायडू यांना सरकार स्थापनेचे निमंत्रण दिले. त्यानंतर नायडू यांनी राजभवनात नझीर यांची भेट घेतली.

फक्त 3 दिवसात 50% वर
एफएमसीजी कंपनी हेरिटेज फूड्ससाठी हा आठवडा संस्मरणीय ठरलाय. अस्थिर आठवड्यात हा समभाग सतत वरच्या सर्किटला लागला. बुधवार आणि गुरुवारी शेअर्सच्या किमतीत 20-20 टक्क्यांनी वाढ झाली.

त्यानंतर शुक्रवारी आठवड्याच्या शेवटच्या दिवशी सर्कीट मर्यादित केल्यानंतर 10 टक्के अपर सर्किट लागू करण्यात आले. अशा प्रकारे आठवड्याच्या शेवटच्या दिवशी शेअर 10 टक्क्यांनी वाढून 661.75 रुपयांवर पोहोचला. या समभागासाठी हा 52 आठवड्यांचा नवा उच्चांक आहे.

या आठवड्यात भाव खूप वाढले
निवडणुकीच्या दिवशीही या FMCG स्टॉकची किंमत वाढली होती. जेव्हा संपूर्ण बाजार घसरला होता. त्या दिवशी बीएसई सेन्सेक्स, एनएसई निफ्टी, निफ्टी बँक सारख्या प्रमुख निर्देशांकात 10 टक्क्यांनी घसरण झाली होती, परंतु त्या दिवशीही हेरिटेज फूड्सची किंमत नफ्यात होती.

31 मे 2024 रोजी हा शेअर फक्त 402.90 रुपयांवर होता. त्याच्या पुढच्या ट्रेडिंग दिवशी, 3 जून रोजी, एका शेअरची किंमत 424.45 रुपयांवर गेली. अशाप्रकारे, गेल्या 5 दिवसांत या FMCG स्टॉकची किंमत 64 टक्क्यांहून अधिक वाढली आहे.

त्यामुळे वाढ होतीय
निवडणुकीच्या निकालानंतर FMCG स्टॉक हेरिटेज फूड्सला जोरदार मागणी दिसून येत आहे. वास्तविक, डेअरी आणि इतर FMCG उत्पादने बनवणारी आणि विकणारी ही कंपनी नायडू कुटुंबाशी विशेष जोडलेली आहे. एन चंद्राबाबू नायडू या निवडणुकीत विजयी झाले आहेत.

आंध्र प्रदेशातील विधानसभा निवडणुकीत त्यांनी विजय तर मिळवलाच, पण लोकसभा निवडणुकीच्या निकालानंतर निर्माण झालेल्या चित्रात त्यांची भूमिका किंगमेकर बनली आहे.

एका दिवसानंतर चंद्राबाबू नायडू यांच्या पक्ष टीडीपीला पंतप्रधान नरेंद्र मोदी यांच्या नेतृत्वाखाली केंद्रात स्थापन होणाऱ्या सरकारमध्ये महत्त्वाची मंत्रिपदे मिळणार असल्याचे मानले जात आहे.

हैदराबादमध्ये कोट्यवधीचे घर
आंध्रप्रदेशचे सीएम चंद्राबाबू नायडू यांनी त्यांच्या नावावर एक एंबेसडर कार असून त्याची किंमत 2.20 लाख रुपये सांगितले जाते. त्यांच्या जवळील स्थावर संपत्तीचा विचार करता चंद्राबाबू नायडू यांच्या नावावर कोणतीही शेती योग्य जमिन नाही. परंतू पत्नीच्या नावावर 55 कोटी रुपयांची एग्रीकल्चर जमीन आहे.

नायडू यांच्या नावावर 77 लाख रुपयांची नॉन एग्रीकल्चर जमिनीची नोंदणी आहे. याशिवाय हैदराबाद आणि चित्तूरमध्ये दोन लग्झरी घरं आहेत. यात हैदराबादच्या पाली हिल परिसरात असलेल्या आलिशान घराची किंमत सुमारे 35 कोटी रुपये आहे.