मुंबई –  अभिनेता ईशा गुप्ता तिच्या सौंदर्याने आणि चित्रपटांमधील अभिनयाने प्रेक्षकांना प्रभावित करण्यात कधीही कमी पडत नाही. ईशाने अलीकडेच इंडस्ट्रीमध्ये दोनदा कास्टिंग काउचचा सामना करण्याबद्दल खुलासा केला.  ईशा गुप्ताने मुलाखतीत सांगितले, एका फिल्ममेकरने तिच्याकडे सेक्शुअल फेवर्स मागितले होते आणि तिने नकार दिला होता.

या घटनेबद्दल बोलताना ईशा गुप्ता म्हणाली, ‘चित्रपट अर्धा पूर्ण झाला होता. मी नकार दिल्यावर सहनिर्मात्याने निर्मात्याला सांगितले की मला चित्रपटात बघायचे नाही. मी सेटवर काय करत आहे? यानंतर काही निर्मात्यांनी मला चित्रपटात कास्ट करण्यासही नकार दिला. मी ऐकले होते की हे लोक माझ्याबद्दल म्हणायचे की मी काही केले नाही तर मला चित्रपटात घेण्याचा काय फायदा?

ईशाने आणखी एका घटनेबद्दल सांगितले, जेव्हा ती बाहेर शूटिंग करत होती आणि दोन लोकांनी ‘कास्टिंग काउच सापळा’ रचला होता याबाबत ती म्हणाली, ‘तिथे दोन लोक होते ज्यांनी कास्टिंग काउचचा सापळा रचला होता. मला समजले पण तरीही चित्रपट केला कारण त्याच्या बाजूने ते एक छोटेसे पाऊल होते. आऊटडोअर शूटच्या वेळी मी त्यांच्या फंदात पडेन असं त्यांना वाटत होतं. मी पण हुशार होते, मी म्हणाले की मी एकटी राहणार नाही, मी माझ्या मेकअप आर्टिस्टला माझ्या खोलीत बोलावले.’ यावर संताप व्यक्त करताना यशाने  म्हणाली की, असे लोक स्टार किड्ससोबत कास्टिंग काउच सारख्या गोष्टी करू शकत होऊ शकत नाही कारण त्यांचे पालक त्यांना मारतील. या कृतीमुळे संतापलेली इशा म्हणाली, ‘त्यांना वाटतं की आम्हाला काम हवे असेल तर आम्ही काहीही करू शकतो.’