Shilpa Shetty Birthday: ‘तुझ्याशिवाय आयुष्याची कल्पनाही करू शकत नाही’; शिल्पा शेट्टीच्या वाढदिवसानिमित्त बहिण शमिताची भावनिक पोस्ट
Shilpa Shetty Birthday शमिताच्या या शब्दांतून दोन्ही बहिणींमधील घट्ट नातं आणि प्रेम स्पष्टपणे दिसून येत आहे. तिच्या या पोस्टवर चाहत्यांनीही भरभरून प्रतिक्रिया दिल्या आहेत. अनेकांनी शिल्पाला वाढदिवसाच्या शुभेच्छा देतानाच दोन्ही बहिणींच्या नात्याचे कौतुक केले आहे.
Shilpa Shetty Birthday: बॉलिवूड अभिनेत्री शिल्पा शेट्टी आज, ८ जून रोजी आपला ५१ वा वाढदिवस साजरा करत आहे. या खास दिवशी तिची धाकटी बहीण आणि अभिनेत्री शमिता शेट्टी हिने सोशल मीडियावर एक भावनिक पोस्ट शेअर करत तिला वाढदिवसाच्या शुभेच्छा दिल्या आहेत. शमिताने बहिणीसोबतचे काही खास फोटो शेअर करत तिच्याविषयीच्या भावना व्यक्त केल्या आहेत. तिची ही पोस्ट सध्या सोशल मीडियावर मोठ्या प्रमाणात चर्चेत आहे.
शमिता शेट्टीने आपल्या पोस्टमध्ये शिल्पाला प्रेमाने “मुनकी” असे संबोधले आहे. तिने लिहिले की, “वाढदिवसाच्या खूप शुभेच्छा माझ्या प्रिय मुनकी. तू नेहमी माझ्या आयुष्यात आशीर्वादासारखी राहिली आहेस. प्रत्येक कठीण प्रसंगी तू माझा आधार बनलीस. तू मला अनेक प्रकारे प्रेरणा दिलीस. माझी बहीण असल्याबद्दल आणि नेहमी योग्य मार्ग दाखवल्याबद्दल तुझे मनापासून आभार. तुझ्याशिवाय माझ्या आयुष्याची कल्पनाही मी करू शकत नाही. तुला खूप खूप प्रेम.” (Shilpa Shetty Birthday)
Shilpa Shetty Birthday: ‘तुझ्याशिवाय आयुष्याची कल्पनाही करू शकत नाही’; शिल्पा शेट्टीच्या वाढदिवसानिमित्त बहिण शमिताची भावनिक पोस्ट
शमिताच्या या शब्दांतून दोन्ही बहिणींमधील घट्ट नातं आणि प्रेम स्पष्टपणे दिसून येत आहे. तिच्या या पोस्टवर चाहत्यांनीही भरभरून प्रतिक्रिया दिल्या आहेत. अनेकांनी शिल्पाला वाढदिवसाच्या शुभेच्छा देतानाच दोन्ही बहिणींच्या नात्याचे कौतुक केले आहे. (Shilpa Shetty Birthday)
दरम्यान, शिल्पा शेट्टीने देखील आपल्या वाढदिवसानिमित्त एक मजेशीर व्हिडीओ सोशल मीडियावर शेअर केला आहे. या व्हिडीओमध्ये ती आनंदी आणि बेफिकीर अंदाजात वर्कआउट करताना दिसत आहे. तिचा उत्साही आणि सकारात्मक स्वभाव चाहत्यांना पुन्हा एकदा पाहायला मिळाला.
या व्हिडीओसोबत शिल्पाने एक हटके कॅप्शनही लिहिले आहे. ती म्हणाली, “वाढदिवस असो वा नसो, मोठं होणं कधीच माझ्या प्लॅनचा भाग नव्हतं.” तिच्या या विनोदी आणि हलक्याफुलक्या अंदाजाने चाहत्यांचे लक्ष वेधून घेतले आहे. अनेकांनी तिच्या फिटनेसचे आणि सकारात्मक दृष्टिकोनाचे कौतुक केले आहे.
View this post on Instagram
शिल्पा शेट्टी गेल्या अनेक वर्षांपासून मनोरंजन क्षेत्रात सक्रिय आहे. अभिनयासोबतच तिची फिटनेसविषयीची जागरूकता आणि निरोगी जीवनशैली यासाठीही ती ओळखली जाते. वयाच्या ५१ व्या वर्षीही ती तंदुरुस्त आणि ऊर्जावान दिसते. त्यामुळे अनेकांसाठी ती प्रेरणास्थान मानली जाते. (Shilpa Shetty Birthday)
शेट्टी भगिनींनी मनोरंजन क्षेत्रात स्वतःची वेगळी ओळख निर्माण केली आहे. मात्र शिल्पा शेट्टीला मिळालेले यश आणि लोकप्रियता शमिताच्या वाट्याला तितक्या प्रमाणात आले नाही. तरीही दोघींमधील प्रेम, जिव्हाळा आणि एकमेकींना दिलेला पाठिंबा नेहमीच चर्चेचा विषय ठरतो. (Shilpa Shetty Birthday)
कामाच्या आघाडीवर शिल्पा शेट्टी लवकरच एका नव्या प्रकल्पातून प्रेक्षकांच्या भेटीला येणार आहे. ती ‘मां है ना’ या कुकिंग रिअॅलिटी शोचे सूत्रसंचालन करताना दिसणार आहे. हा कार्यक्रम १२ जून २०२६ पासून प्रेक्षकांसाठी उपलब्ध होणार आहे. त्यामुळे तिचे चाहते तिच्या नव्या कार्यक्रमाची आतुरतेने वाट पाहत आहेत.
वाढदिवसानिमित्त शमिताने व्यक्त केलेल्या भावना आणि शिल्पाचा आनंदी स्वभाव यामुळे शेट्टी भगिनी पुन्हा एकदा चर्चेत आल्या आहेत. या दोघींमधील प्रेमळ नात्याने अनेकांचे मन जिंकले आहे.
