Pooja Bhatt : 1991 मध्ये प्रदर्शित झालेला ‘दिल है के मानता नहीं’ हा सिनेमा आजही बॉलिवूडमधील सर्वाधिक लोकप्रिय रोमँटिक चित्रपटांपैकी एक मानला जातो. या चित्रपटात अभिनेता आमिर खान आणि अभिनेत्री पूजा भट यांची जोडी प्रेक्षकांच्या विशेष पसंतीस उतरली होती. आता अनेक वर्षांनंतर पूजा भटने या चित्रपटाच्या शूटिंगदरम्यानच्या काही खास आठवणी शेअर केल्या आहेत.  (Pooja Bhatt)

एका पॉडकास्ट मुलाखतीत बोलताना पूजा भटने आमिर खानच्या कामाप्रती असलेल्या समर्पणाबद्दल भाष्य केले. आज ज्याला ‘मिस्टर परफेक्शनिस्ट’ म्हणून ओळखले जाते, त्याची झलक त्यावेळीही स्पष्टपणे दिसत होती, असे ती म्हणाली. ( Pooja Bhatt)

सध्या आमिर खान त्याच्या वैयक्तिक आयुष्यामुळे चर्चेत असून, 5 जुलै रोजी तो त्याची गर्लफ्रेंड गौरी स्प्रॅटसोबत विवाहबंधनात अडकणार असल्याच्या चर्चा रंगल्या आहेत. याच पार्श्वभूमीवर पूजा भटचे वक्तव्य सोशल मीडियावर चर्चेचा विषय ठरत आहे.

हेही वाचा : Captain Bharat Bhardwaj : गुडघ्यावर बसून प्रपोज करणं महागात पडणार; भारतीय लष्कर कारवाई करण्याच्या तयारीत, घेणार मोठी ॲक्शन !

आमिरसोबतच्या नात्याबद्दल विचारले असता पूजा भट म्हणाली, “मला आमिर खूप आवडायचा. कॅमेरा सुरू झाला की आम्ही दोघंही आमच्या भूमिकांमध्ये इतके रमून जायचो की जणू काही प्रेमातच आहोत असे वाटायचे. आमच्यात आकर्षण आणि उत्तम केमिस्ट्री होती. मात्र, ते नातं कधीच वास्तविक आयुष्यात प्रेमसंबंधांमध्ये बदललं नाही.”

विकी लालवानी यांच्या पॉडकास्टमध्ये बोलताना तिने सांगितले की, आमिर चित्रपटाच्या प्रत्येक बाबीकडे बारकाईने लक्ष द्यायचा. “तो केवळ स्वतःच्या अभिनयापुरता मर्यादित नसायचा. माझ्या भूमिकेला साजेशा नसल्याचं सांगत त्याने एकदा माझ्या हिल्सच्या उंचीवरही आक्षेप घेतला होता. काहींना ते हस्तक्षेपासारखं वाटेल, पण मला त्याच्याकडून खूप काही शिकायला मिळालं,” असे पूजाने आवर्जून सांगितलं.

तिने पुढे सांगितले की, “आमच्यात सतत मजामस्ती आणि चेष्टा-मस्करी सुरू असायची. आम्ही अगदी टॉम अँड जेरीसारखे होतो. एकमेकांना चिडवणं, टोमणे मारणं हे आमच्या मैत्रीचा भाग होता.”

मी त्याच्याकडून खूप काही शिकले   (Pooja Bhatt)

आमिरच्या अभिनयाबद्दल बोलताना पूजा भटने त्याचे कौतुक केले. “तो प्रत्येक दृश्यासाठी खूप तयारी करायचा. काही लोक त्याला प्रत्येक गोष्टीत रस घेणारा किंवा हस्तक्षेप करणारा म्हणतील, पण त्याच्या कामातील अचूकता आणि परफेक्शनमुळे तो एक उत्कृष्ट अभिनेता बनला आहे. मी त्याच्याकडून बरेच काही शिकले,” असे ती म्हणाली.

हेही वाचा : Sherpa guide : ‘हा चमत्कारच!’ एव्हरेस्टवर मृत्यूला हरवून परतला; कुटुंबीय करत होते अंत्यविधीची तयारी